Atalanta e mbyll vitin me fitime rekord për klubin

Atalanta nuk po korrë suksese vetëm në fushë, por edhe jashtë saj, duke regjistruar fitime prej 26.4 milionë këtë vit, ndërsa ky është viti i tretë i tyre radhazi me fitime mbi 20 milionë euro.

Sipas analizës së bërë nga “Calcio e Finanza”, klubi nga Bergamo ka gjeneruar 188,6 milionë euro të ardhura për vitin që përfundoi më 31 dhjetor 2019.

Kjo është një rritje prej 21 për qind, nga 155.7 milionë të vitit të kaluar, kryesisht për shkak të kualifikimit të tyre në Ligën e Kampionëve.

Ata morën 3.9 milionë euro nga biletat e ndeshjeve ndërkombëtare, 13.5 milionë euro nga Serie A dhe 1.8 milionë euro nga Coppa Italia.

Kishte gjithashtu 89.9 milionë euro të fituara nga të drejtat e TV, nga të cilat 29.6 milionë euro ishin në Ligën e Kampionëve.

Shitjet e lojtarëve përfshirë Franck Kessie, Bryan Cristante dhe Andrea Petagna ua siguruan atyre një fitim prej 38,7 milionë euro nga transferimët.

Megjithëse kostot u rritën shumë gjatë vitit të kaluar me 23 për qind, që i bie rreth 147 milionë euro.

Kjo i lejoi Atalantas ta mbyllte vitin në fitim prej 26.4 milionë euro. /Telegrafi/