Presidenti i UEFA-s, Ceferin: Futbolli me tifozë do të kthehet së shpejti

Presidenti i UEFA-s Aleksander Ceferin ka pohuar se shumë shpejtë tifozët mund t’i kthehen stadiumeve në përkrahje të klubeve të tyre.

Në një intervistë me gazetarin e The Guardian, Sebastian Fest, Ceferin ka folur rreth shumë gjërave që e rrethojnë futbollin.

Njëra nga to padyshim se ishte rikthimi i tifozëve në stadiume, pasi loja e futbollit duket e vakët pa emocionet dhe zhurmat e tifozëve.

Lexo po ashtu Aleksander Ceferin pret që shumica e kampionateve të përfundojnë sezonin

Cerefin është i bindur se ata shumë shpejtë do t’i rikthehen shkallëve të stadiumeve.

“Nuk mendoj se ky virus do të zgjasë përgjithmonë. Mendoj se do të ndryshojë më shpejt sesa mendojnë shumë”, ka thënë fillimisht Ceferin për The Guardian.

“Është një situatë serioze, por tani po bie dhe ne jemi më të kujdesshëm. Ne dimë më shumë rreth virusit dhe në përgjithësi unë jam një person optimist”.

Lexo po ashtu Ceferin: 20 korriku dhe 3 gushti nuk janë data zyrtare për të mbyllur kampionatet

“Nuk më pëlqen kjo pikëpamje apokaliptike që duhet të presim valën e dytë dhe të tretë apo edhe një valë të pestë…”.

“Ne jemi gati dhe do të ndjekim rekomandimet e autoriteteve, por unë jam plotësisht i sigurt, personalisht, që futbolli i mirë i vjetër me tifozë do të kthehet shumë shpejt”, përfundoi i pari i UEFA-s. /Telegrafi/