BBC: Ndotja e lartë e ajrit po rrit shkallën e vdekjeve nga coronavirusi
Nivele të larta të ndotjes së ajrit mund të rrisin rrezikun e vdekjes nga COVID-19, sipas BBC, që citon për këtë dy studime
Dr. Maria Neira, e Organizatës Botërore të Shëndetit (OBSH), tha se shtetet me nivele të larta ndotjeje, kryesisht në Amerikën Latine, Afrikë dhe Azi, duhet t`i forcojnë përgatitjet e tyre. Personat me probleme të lidhura me ndotjen në vendet ku nivelet e saj janë të larta, janë prekur shumë rëndë nga coronavirusi.
Profesionistët e mjekësisë mendojnë sidoqoftë se është ende herët për të provuar se ka një lidhje direkte.
“Ne do të bëjmë një hartë të qyteteve më të ndotura bazuar në të dhënat tona për të mbështetur autoritetet kombëtare në këto rajone, në mënyrë që ata të mund të përgatisin planin e tyre të përgjigjes epidemike në përputhje me rrethanat,” tha Neira.
Një studim amerikan tregon se niveli i vdekjeve nga COVID-19 është rritur me rreth 15% në zona që kanë pasur qoftë edhe një rritje të vogël të niveleve të ndotjes nga grimcat e imëta në vitet para pandemisë.
“Modelet në shkallët e vdekjes nga COVID-19 në përgjithësi imitojnë modelet në zonat me dendësi të lartë popullsie por edhe ato të ekspozuara ndaj grimcave PM2.5,” thuhet në raportin e Universitetit të Harvardit.
Këto grimca, janë lidhur më përpara me një sërë problemesh shëndetësore përfshirë infeksionet e frymëmarrjes dhe kancerin e mushkërive.
Studimi i Harvardit nuk është shqyrtuar ende nga hulumtuesit, por drejtoresha e Universitetit Ludwig Maximilian të Mynihut, Annette Peters i tha BBC-së se përfundimet e këtij raporti janë në një linjë dhe vërtetojnë edhe dyshimet e tyre “ashpërsia e infeksionit mund të shtohet nga ndotja e ajrit”. /BBC
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'