Kaka zgjedh mes Lionel Messit dhe Cristiano Ronaldos

Ish mesfushori i AC Milan dhe Real Madrid, Kaka, ka zbuluar se cilën anë mban në krahasimin Lionel Messi vs Cristiano Ronaldo, duke e argumentuar.

Braziliani arriti në Santiago Bernabeu të njëjtën verë si Cristiano, por ai ka zgjedhur Messin si më të mirin.

“Kam luajtur me Cristianon dhe ai është me të vërtetë i mahnitshëm, por unë do të shkoj me Messin “, u përgjigj Kaka për kanalin e FIFA-s.

“Ai është një gjeni, një talent i pastër. Mënyra se si ai luan është e pabesueshme”, deklaroi ai.

Sidoqoftë, Kaka u kthye dhe e lavdëroi sulmuesin portugez me të cilin luajti disa vite te Real Madridi.

“Cristiano është një makinë. Nuk është vetëm mënyra se si ai është i fortë, i fuqishëm dhe i shpejtë; ai është i fortë mendërisht”.

“Ai gjithmonë dëshiron të fitojë dhe të luajë. Të jetë më i miri. Për mua, kjo është gjëja më e pabesueshme që ai ka”.

“Në historinë e sportit, ata [ Messi dhe Cristiano ] janë padyshim në pesë të parët”

“Ne kemi shumë fat që kemi mundur t’i shohim të dy”, deklaroi Kaka.

Kur u pyet se kush ishte braziliani më i mirë, Kaka ishte i qartë.

“Kam luajtur përkrah disa të shkëlqyeshmëve në karrierën time, por Ronaldo [Nazario] ishte më i miri”.

“Pas tij, do të thosha Ronaldinho”, ka thënë Kaka. /Telegrafi/