Valencia ishte klubi më i prekur nga coronavirusi, por synon t’i kthehet stërvitjeve brenda 10 ditëve

Valencia thuhet se po synon të rikthehet në stërvitje më 13 prill, me alarmin e gjendjes aktuale spanjolle që përfundoi 24 orë më parë.

Los Che kishte konfirmuar më parë pesë teste pozitive me Covid 19 në klub, duke përfshirë yjet e ekipit të parë: Ezequiel Garay, Jose Gaya dhe Eliaquim Mangala.

Megjithatë, raportet nga Diario AS pretendojnë se klubi tani ndihet i ‘shëruar’, me një seri të plotë të rezultateve negative që kanë ardhur.

Lexo po ashtu Shërohen 10 lojtarët dhe trajneri i Valencias nga coronavirusi

Lajmet pozitive kanë inkurajuar klubin të rifillojë stërvitjen me ekipin e parë në Ciudad Deportiva de Paterna përpara afatit.

Seancat e trajnimit do të bëhën në grupe të vogla, me klubin që do të respektojë rreptësisht udhëzimet zyrtare të shëndetit.

Lexo po ashtu Kryetari i Bergamos: Ndeshja Atalanta-Valencia ishte një bombë biologjike, 40 mijë tifozët janë infektuar me coronavirus

Gjendja e alarmit u largua nga kryeministri spanjoll Pedro Sanchez javën e kaluar, por mbetet mundësia për një bllokim të mëtejshëm, pasi vendi vazhdon të luftojë kundër virusit.

La Liga është pezulluar në kohë të pacaktuar, me UEFA-n që ende duhet të njoftojë detaje të rikthimit të pritshëm të kampionateve vendase nëpër Evropë. /Telegrafi/