Stafi i spitalit këndon “You’ll Never Walk Alone” dhe video bëhet virale – Jurgen Klopp thotë se ka qarë dhe i falënderon së bashku lojtarët e tij

Jurgen Klopp ka zbuluar se nuk i ka përmbajtur dot lotët kur ka parë pamjet e stafit të Shërbimi Shëndetësor Kombëtar (National Health Service) duke kënduar himnin e Liverpoolit i njohur si “You’ll Never Walk Alone” gjatë krizës së coronavirusit.

Videoja e shpërndarë në mediat sociale nga deputetja, Mary Foy, tregon një numër profesionistësh të kujdesit shëndetësor, që u bashkuan në interpretimin e himnit të Liverpoolit.

Klopp nuk ka mundur t’i përmbajë emocionet për ata që luftojnë virusin në vijën e parë.

Emotional watching this. So much respect for NHS staff at the best of times, but at the moment, putting their lives on the line to protect us from this virus, wow! Total heroes. #YNWA #NHSHeroes pic.twitter.com/VJlA4WrsXO

— Mary K Foy (@marykfoy) March 26, 2020

“Anglishtja ime nuk është aq e mirë për ta thënë. Është e jashtëzakonshme, e shkëlqyeshme. Dje, më dërguan një video të njerëzve në spital, jashtë zonës së kujdesit intensiv, dhe kur ata filluan të këndonin “You’ll Never Walk Alone”, fillova të qaja menjëherë”.

“Ishte e pabesueshme, por tregon gjithçka. Këta njerëz jo vetëm që punojnë, por kanë një frymë kaq pozitive. Ata janë mësuar të ndihmojnë njerëzit e tjerë”, ka thënë Klopp për ueb faqen e klubit.

Shumë klube të futbollit kanë shprehur falënderimet e tyre personale për ata që janë në vijën e parë për të luftuar virusin vrasës.

To all the health care workers around the world.

A little message from us to you… ❤️ pic.twitter.com/1EuwvAdSSa

— Liverpool FC (@LFC) March 26, 2020

Trajneri i Liverpooolit, Jurgen Klopp dhe yjet e tij dërguan një videomesazh të përzemërt për stafin mjekësor, duke i falënderuar për punën që po bëjnë.

Në video shihet edhe Xherdan Shaqiri, i cili mesazhin e tij e dha në gjuhën gjermane. /Telegrafi/