Pandemia e coronavirusit ka përshpejtuar punën e politikës në Gjermani. Në një procedurë historikisht të shpejtë të Bundestagut, parlamentarët gjermanë miratuan me shumicë paketën gjigante të ndihmës së qeverisë.
Bundestagu vendosi të mërkurën (25.03) për një paketë ndihme historike për qytetarët dhe ekonominë gjermane në krizën e coronavirusit.
Një paketë që u miratua me shpejtësi të pamenduar më parë.
Federata do të mbështesë tani me disa mburoja të gjera financiare dhe ndryshime ligjore – familjet, qiramarrësit, të punësuarit, të vetëpunësuarit dhe firmat gjermane.
Për këtë parlamentarët gjermanë duan të shfuqizojnë edhe frenimin e kryerjes së borxheve që është paraparë në kushtetutë.
Ky ndryshim krijon bazën ligjore që buxheti shtesë të lejojë marrjen e borxheve në vlerë 156 miliardë euro.
Kushtetuta gjermane e lejon që në raste katastrofash dhe situata të jashtëzakonshme federata të bëjë më shumë borxhe se sa është e lejuar.
Në seancë paradite deputetët shprehën mirënjohje për personelin mjekësor përmes duartrokitjeve.
Opozita e mbështeti paketën e ndihmës
Për pezullimin e frenimit të borxheve të planifikuar, koalicioni i konservatorëve dhe socialdemokratëve pati shumicën e kërkuar në Bundestag, megjithëse më shumë se një duzinë deputetësh nga partitë e Unionit CDU/CSU dhe SPD munguan në seancë parlamentare.
Në votim nevojiten të paktën 355 e 709 deputetëve të Bundestagut.
Partitë opozitare, FDP dhe Të Gjelbrit u kishin rekomanduar deputetëve të tyre të miratojnë ndryshimet ligjore dhe paketën e ndihmës.
Edhe kreu i grupit parlamentar të të Majtëve, Dietmar Barsh bëri të ditur miratimin e partisë së tij.
Në krizë duket se kufizimi strikt i marrjes së borxheve të reja e bën shtetin “të paaftë për të vepruar”, tha ai për gazetën “Neuen Osnabrücker Zeitung”.
Partia populiste në opozitë, AfD kishte bërë të ditur, se do të propozonte disa ndryshime, por do e mbështesë paketën e masave të qeverisë gjermane në emër të interesit kombëtar, por në votim AfD abstenoi.
Masat e paketës së ndihmës duhet të verifikohen brenda pak javësh, ishte shprehur më parë Peter Boehringer, kreu i komisionit parlamentar për buxhetin. “Njerëzit nuk mund t’i izolosh përgjithmonë”.
“Jo rast normal legjislativ”
Zëvendëspresidenti i Bundesagut, Wolfgang Kubicki e mbrojti miratimin e ligjeve me një efekt të gjerë veprues.
“Kemi një gjendje, në të cilën kërkohet aktualisht shpejt të krijohet baza ligjore, që ekzekutivi të mbetet i aftë për të vepruar”, tha ai në Berlin.
“Kjo procedurë e përshpejtuar nuk do të jetë definitivisht rasti normal i legjislativit. Secili e ka të qartë, se një gjë e tillë vihet në përdorim, vetëm në situata emergjente”, tha ai.
Seanca e parlamentit gjerman u zhvillua në masa të rrepta të sigurisë shëndetësore.
Shumë vende në sallën plenare ishin bosh, me qëllim që mes deputetëve të ruhej distanca e nevojshme. Kurse kutitë e votimit qëndruan në hollin jashtë sallës plenare, për arsye vendi.
Ligjet, me të cilat synohet të zbuten pasojat ekonomike e sociale të krizës pritet të kalojnë në komisionin e landeve që të premten. /DW/
Promo
Reklamo këtuLufta Prigozhin - Putin
Më shumë"Make finance great again" - si do të funksionojë platforma për kriptovaluta e Trumpit?
Ekspertët: Ndalimi i importeve nga Serbia mund të ketë pasoja për Kosovën
Lajm me rëndësi për shqiptarët e Zvicrës!
Përfito nga subvencionimi 40% dhe bëhu me kondicioner Hisense!
Linda, fole e ngrohtë në kompleksin e përsosur!
Ofertë në Bau Market + subvencion nga Qeveria e Kosovës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Secila më e mirë se tjetra
Më të lexuarat
Nikolloski: Shqipëria nuk do të bëhet kurrë anëtare e BE-së
Një nga lojtarët më të mirë në botë në pozitën e tij nuk rinovon - pret Real Madridin për ofertë
“Ka me pasë shumë akuza, ndoshta edhe arrestime”, Abrashi i LVV-së: Kjo është arma e fundit e opozitës, prokuroria e kapur
Ushtarët izraelitë hedhin trupat e pajetë të palestinezëve nga ndërtesa - Izraeli nis hetimet pas publikimit të pamjeve rrëqethëse
Lojtarët e Bayernit të acaruar me një vendim që ka marrë Kompany
Hansi Flick po përgatit një transferim befasues te Barcelona për afatin e janarit