Shevchenko: Milani është gjithmonë në zemrën time

Ish-legjenda e Milanit, Andriy Shevchenko ka zbuluar se ai vazhdon të mbajë kontakte me ish-shokët e tij të skuadrës nga San Siro, ndërsa tregoi se Milani është gjithmonë në zemrën e tij.

Legjenda ukrainase kishte dy kohë të ndryshme te Milani si lojtar, nga 1999-2006 dhe përsëri në huazim nga Chelsea në sezonin 2008-09.

Shevchenko ka qenë i lidhur më parë me pozicionin e trajnerit të kuqezinjve, kur e ardhmja e Marco Giampaolos ishte e pasigurt.

Lexo po ashtu Milani e ka kontaktuar Shevchenkon për postin e trajnerit

Stefano Pioli më vonë zëvendësoi ish-trajnerin e Sampdorias, por 43-vjeçari ukrainas ka pranuar që Milani ende ka një vend në zemrën e tij.

“Unë flas me Paolo Maldinin, Andrea Pirlon, Alessandro Costacurtan. Dhe Bobo Vierin, ai është shumë qesharak. Gjithashtu e ndjek atë në Instagram”.

“Milani është gjithmonë në zemrën time, ashtu si miqtë e mi”, ka thënë Sheva për La Gazzetta dello Sport.

Lexo po ashtu Formacioni më i mirë që e ka drejtuar Carlo Ancelotti – emra të mëdhenj jashtë, por në të Ronaldo e Kaka

Shevchenko u tërhoq nga futbollit në vitin 2012, pasi mbaroi karrierën në Dinamo Kyiv, ku edhe e filloi në vitin 1994.

Koha e tij më e paharrueshme në futboll ishte me Milanin, ku ai fitoi trofeun e Ligës së Kampionëve më 2002-03, Scudetton më 2003-04 dhe Kupën e Italisë në sezonin 2002-03.

Sulmuesi u bë golashënuesi më i mirë në Serie A dy herë, në sezonin 1999-00 dhe 2003-04, ndërsa shënoi 175 gola në 322 ndeshjet e tij në të gjitha garat me Milanin. /Telegrafi/