Hamza: Situata me Amerikën është bërë shumë e rrezikshme, Kurti të reflektojë

Shefi i Grupit parlamentar i Partisë Demokratike të Kosovës, Bedri Hamza, ka tërhequr vëmendjen për seriozitetin e situatës për raportet me Shtetet e Bashkuara.

Hamza, në “Debat Plus” me Ermal Pandurin në RTV Dukagjini, ka thënë se situata me Amerikën është shumë serioze.

“Është mirë [Kurti] me reflektua”.

I pari i deputetëve të PDK-së thotë se Vetëvendosje edhe te Plani Ahtisaari, apo procesi i demarkacionit kanë qenë kundër proceseve.

“Ata vazhdimisht kanë pasur qëndrime që vazhdimisht nuk i kanë kontribuuar situatës në Kosovë. Po i dëmtojnë relacionet me partnerët tonë strategjikë… Edhe atëherë situata ka qenë keq, por tash situata është bërë shumë e rrezikshme”.

Hamza ka thënë se dëm i madh Kosovës i bëhet vetëm nëse SHBA ndal përkrahjen e “lëre më të bëhen penalizime”.

Deputeti opozitar thotë se zyrtarisht nuk ka parë ndonjë dokument ku Amerika ka pezulluar fondet e ndihmës për Kosovës.

Lexo po ashtu Hamza: Në aspektin politik, taksa i solli probleme Kosovës

Shefi i Grupit parlamentar të PDK-së thotë se Grenell po kërkon më shumë nga Kosova për shkak të rolit që SHBA ka pasur në shtet formimin e Kosovës, por sipas tij edhe kërkesat ndaj Serbisë mbeten të njëjta./Telegrafi/