Braithwaite në qiellin e shtatë pas debutimit me Barcelonën: Nuk do ta laj më fanellën pas përqafimit nga Messi

Martin Braithwaite ditë më parë ka kompletuar transferimin te Barcelonga nga Leganes për 18 milionë euro.

Sulmuesi danez ka debutuar menjëherë me klubin e tij të ri në ndeshjen ndaj Eibar, ku Barcelona fitoi me rezultat të thellë 5:0.

Ishte një debutim i suksesshëm i sulmuesit, pasi asistoi në dy golat e fundit të shënuar nga Messi dhe Arthur.

Pas ndeshjes danezi ka folur për mikpritjen që i është bërë te Barcelona.

“Jam ndjerë shumë mirë këtu, i rrethuar nga futbollistë fantastikë, provova të vrapoja e lëvizja, ajo që duhet të bëj dhe shokët e skuadrës me gjenin, ndaj ishte shumë mirë dhe jam i lumtur”, ka deklaruar Braithwaite.

“Duartrokitjet kur hyra në fushë ishin speciale, është diçka që e kam parë në televizor kur isha i vogël se si vepronin tifozët me lojtarët e rinj dhe tani për mua është diçka e pabesueshme. Jam shumë krenar”, tha danezi.

28-vjeçari ka folur edhe për marrëdhënien e tij me gjeniun Lionel Messi, duke thënë se nuk do ta laj më fanellën që kishte veshur pas përqafimit që i bëri argjentinasi.

“Messi më ka mirëpritur shumë mirë, është një djalë fantastik. Ai u mundua që të ndjehesha sa më komod në fushë duke më kërkuar me pasimet e tij”.

“Nuk do të laj me fanellën pas përqafimit që më dha (qesh). Sinqerisht, jam shumë i lumtur që isha në gjendje t’i jepja një asistim Messit”, përfundoi sulmuesi danez. /Telegrafi/