Ministri i Financave dhe Transfereve, Besnik Bislimi, në mbledhjen e Qeverisë së Kosovës të mbajtur sot, e ka cilësuar si skandaloze kërkesën e Komisionit Qendror të Zgjedhjeve për të ndarë nga buxheti i shtetit rreth 116 mijë euro për paga dhe mëditje të komisionerëve që do të marrin pjesë në zgjedhjet e jashtëzakonshme në Podujevë.
Bislimi kërkoi nga Qeveria që ta miratojë vetëm një pjesë të kërkesës, atë për mallra dhe shërbime, ndërsa të mos ndahet buxhet për paga dhe mëditje shtesë për anëtarët e KQZ-së të cilët do të jenë pjesë e këtyre zgjedhjeve.
“Një kërkesë që na ka ardhë nga Komisioni Qendror Zgjedhor, na ka ardhë më 14 shkurt, të premten, dhe e kemi pasur të pamundur që të trajtojmë me prioritet. Ka të bëjë me zgjedhjet e jashtëzakonshme në Podujevë. Duhet cekur se kërkesa e përgjithshme e KQZ-së bashkë me PZAP-in mbërrin shifrën e 510 mijë eurove, prej të cilave kërkesa për mallra dhe shërbime është në vlerë prej 394 mijë e 447 euro, ndërsa vlera e përbashkët që përfshijnë pagat dhe mëditjet janë 116 mijë euro. Ne si ministri jemi skandalizu, me formulimin e kërkesës. Kërkesa është për 60 për qind të mëditjeve shtesë. Jo vetëm që është kërkesë e paligjshme, por e pakuptueshme për nivelin e angazhimit që ka”, u shpreh Bislimi.
Ai tha gjithashtu se zgjedhjet e jashtëzakonshme janë për të zgjedhur kryetarin e Podujevës, e jo për të pasuruar anëtarët e KQZ-së.
“Jam i qartë që KQZ-ja është institucion autonom, por duhet të përdoret për forcimin e institucionit, jo me zhvat. Mëditjet shtesë kërkohen për tre muaj, deri në mes të marsit. Zgjedhjet në Podujevë janë duke u mbajt për me zgjedh kryetarin e Podujevës, e jo për të pasuruar anëtarët e KQZ-së. Është skandaloze kërkesa për me iu nda mëditje për tre muaj, kur vetëm një ditë do të mbahen zgjedhjet dhe një ditë balotazhi”, tha Bislimi në mbledhjen e Qeverisë.
E një kërkesë e tillë u kundërshtua nga zëvendësministri, Avdullah Hoti.
Hoti tha se KQZ-ja është institucion i pavarur, dhe Qeveria duhet të ofrojë të gjitha resurset e veta për të mundësuar që ata ta kryejnë detyrën e tyre gjatë zgjedhjeve.
“E dëgjova me kujdes ministrin e Financave. Kujdesin për paratë publike nga ana juaj nuk e vë në dyshim. Tash ju e keni përgjegjësinë të veproni si agjent fiskal, që shpenzimi i çdo euroje të bëhet në përputhje me rregulloren, meqë KQZ-ja është e pavarur nga Qeveria dhe ne duhet të ofrojmë të gjitha resurset, që ata ta kryejnë punën e tyre siç duhet. Ju keni për detyrë që të kujdeseni që çdo cent të shpenzohet në përputhje me rregulloren. Jam ta mbështesim kërkesën e KQZ-së”, u shpreh Hoti.
Gjatë votimit në miratimin e këtij vendimi abstenuan zëvendëskryeministri, Avdullah Hoti, si dhe katër ministrat e Lidhjes Demokratike të Kosovës: Agim Veliu, Vlora Dumoshi, Anton Çuni dhe Besian Mustafa. /Telegrafi/
Promo
Reklamo këtuLufta Prigozhin - Putin
Më shumëZëvendësministri për Kthim: Sot është tentuar të vritet Marko Jablanoviq, sulmuesit i dështoi “Shkorpioni”
Ngriten çmimet e paketave turistike në Shqipëri, operatorët fajin ia lënë kursit të euros
DW: Sinjale alarmi nga Ballkani - po përsëritet historia?
Basha i reagon AGK-së dhe Sekretarit të Federatës Evropiane të Gazetarëve: Jam deputet i pavarur në mendime, Kosova nuk është autokraci
Piu kafenë e mëngjesit me ta dhe më pas u mori jetën, detaje nga vrasja e çiftit në Dropull
Deputeti gjerman, Abraham: Pranimi i Kosovës në Këshillin e Evropës është e vetmja rrugë përpara
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak