Burimet tregojnë se Princi Harry ishte në raport të keq me vëllanë e tij, Princin William para se të largohej nga mbretëria

Princi Harry u largua nga vendi në ‘kushte të këqija me vëllanë e tij’ pasi ai dhe gruaja e tij Meghan Markle u tërhoqën si mbretër të vijës së parë, pretendon një burim i brendshëm pranë çiftit.

Përçarja thuhet se ka filluar në vitin 2017 kur Princi William paralajmëroi vëllain e tij të ri se po lëviz shumë shpejt me Meghan Markle, raporton revista People.

“Ata nuk u larguan me kushte të mira, por të dy u lehtësuan që kjo punë mbaroi”, tha burimi i afërt i familjes, shkruan DailyMail.

“Ndoshta [Meghan dhe Harry] nuk i menduan gjërat ashtu siç mund të kishin ndodhur, por ata donin të ishin të lumtur. Kush mund t’i fajësojë ata për këtë?”, citoi tutje burimi.

Ky informacion vjen mes njoftimeve se Princi William është shumë i trishtuar që marrëdhëniet e ngushta që ai dikur gëzonte me këtë vëlla, tashmë nuk janë të tilla.

Princi Harry, 35 vjeç dhe Meghan Markle, 38 vjeçe, aktualisht janë duke jetuar në një rezidencë prej 10 milion funtesh në ishullin Vancouver, ndërsa planifikojnë jetën e tyre të re jashtë Mbretërisë, pasi u tërhoqën nga detyrat mbretërore në janar.

Harry dhe Meghan besohet se po shijojnë kohën e tyre që kur u tërhoqën nga detyrat mbretërore dhe po zhvillojnë pjesën më të madhe të jetës në Kanada.

Muajin e kaluar, fotografitë treguan Dukeshën që mbante djalin e saj ndërsa ajo shëtiste nëpër një park afër rezidencës së madhe.

Tani pritet që ata të kalojnë pjesën më të madhe të kohës në Amerikën e Veriut, që do të thotë që Archie do të ketë pak kontakte me kushërinjtë e tij Princin George, Princeshën Charlotte dhe Princin Louis ose tezen dhe xhaxhain e tij, Kate dhe William.

Por ndërsa ata janë duke shijuar kohën e tyre në Kanada, çifti po hedh edhe bazat për fondacionin e tyre të bamirësisë.

Një mik i afërt me çiftin thanë që ata kishin plane të mëdha për vitin e ardhshëm. /Telegrafi/