Rifillimi i negociatave, Borrell pritet t’i vizitojë Kosovën dhe Serbinë

Shefi për Politikë të Jashtme i Bashkimit Evropian, Josep Borrell ka thënë se Ballkani Perëndimor është prioritet gjatë mandatit të tij.

Borrell përmes një shkrimi të bërë në Twitter ka shkruar se rifillimi i negociatave në mes të Prishtinës dhe Beogradit janë në krye të agjendës së tij, dhe se për këtë ai do t’i vizitojë Kosovën dhe Serbinë gjatë kësaj jave.

“Po angazhohem fuqishëm që dialogu i ndërmjetësuar nga BE të rinisë dhe për këtë do ta vizitojë Kosovën dhe Serbinë si të paratë vende në rajon gjatë kësaj jave”, ka shkruar Borrell në Twitter.

The Western Balkans are a priority during my mandate. I am strongly committed to relaunch the EU-facilitated dialogue and am thus looking forward to visit Kosovo and Serbia as first places in the region this week. pic.twitter.com/DDFrMuolRV

— Josep Borrell Fontelles (@JosepBorrellF) January 29, 2020

Ndryshe, me zgjedhjen e Josep Borrell si ministër i Jashtëm i BE-së, procesi i negociatave dhe normalizimit të marrëdhënieve ndërmjet Beogradit dhe Prishtinës do të merrte për herë të parë një ndërmjetës të ardhur nga një vend që nuk e njeh pavarësinë e Kosovës.

Megjithëse është me origjinë nga Katalonia, Josep Borrel njihet si kundërshtari më i zëshëm i ndarjes së këtij rajoni nga Spanja.

Përndryshe, ai do të marrë përsipër nga 1 nëntori detyrën e shefit të diplomacisë evropiane. /Telegrafi/