Spasovski – Tiganj: Mbështetje e fortë nga Kroacia për integrimet në NATO dhe BE

Kryeministri teknik i Maqedonisë së Veriut Oliver Spasovski, sot ka realizuar takim me me ambasadoren kroate, Nives Tiganj, ku siç njoftojnë nga qeveria, është shprehur mbështetje e fortë nga Kroacia për realizimin e anëtarësimit të plotë të vendit në NATO dhe për hapin e merituar në integrimet evropiane.

“Është thënë qartë qëndrimi i kryeministrit Plenkoviq dhe i Republikës së Kroacisë e cila nga ky muaj e ka marrë kryesimin me BE-në se Kroacia do të përpiqet edhe për sukses të shtetit tonë në integrimet evropiane, pas mbylljes së gjitha çështjeve thelbësore në pjesën e reformave dhe marrëdhënieve të fqinjësisë së mirë dhe suksesit në integrimet në NATO. Në takim është përshëndetur përkushtimi i kryeministrit Spasovski dhe të Qeverisë në reformat, dialogun, marrëdhëniet e fqinjësisë së mirë dhe në këtë periudhë të rëndësishme të proceseve integruese të shtetit është shprehur shpresë se të gjitha subjektet politike do të kenë në fokus interesat e shtetit”, thuhet në njoftimin e qeverisë.

Kryeministri Spasovski i është falënderuar kryeministrit Plenkoviq dhe Kroacisë për mbështetjen e vazhdueshme të progresit për vendin tonë.

“Fuqishëm jemi të përcaktuar të japim argumente të mëtejmë se vendi jonë është në NATO dhe BE. Prandaj, unë si kryeministër dhe Qeveria punojmë në vazhdimësi në proceset reformuese, dialogun, marrëdhëniet e mira mes bashkësive në shtëpi, marrëdhëniet e mira me fqinjët dhe përpiqemi që këtë qasje pozitive të gjetjes së zgjidhjeve ta nxisim te partitë politike në shtet. Me meritë presim përparim në eurointegrimet”, ka thënë Spasovski.

Në takim është vlerësuar se edhe mbështetja e gjerë politike në Parlament dhe për ratifikimin e protokollit të NATO-s dhe Kodit zgjedhor i cili duhet t’i implementojë vërejtjet e OSBE/ODIHR përfshirë edhe mundësinë e sjelljes së Ligjit për prokurori si dhe organizimin e zgjedhjeve korrekte do të jenë argument shtesë për subjektet politike dhe kapacitetet demokratike të shtetit./Telegrafi/