I dërguari i posaçëm i presidentit amerikan Donald Trump për dialogun Kosovë-Serbi, Richard Grenell, ka porositur se taksa e vënë për mallrat serbe nga autoritetet kosovarë duhet të hiqet, si dhe ka kërkuar nga Beogradi që të ndalë fushatën për çnjohje, raporton Al Jazeera.
“Heqja e taksës do t’i paraprinte një normalizimi në veçanti në fushën e ekonomisë”, ka deklaruar Grenell pas takimit me presidentin serb, Aleksandar Vuçiq në Beograd, transmeton Telegrafi.
“Jam i sigurtë se jemi afër”, ka deklaruar i dërguari amerikan në konferencën e përbashkët me presidentin serb.
Megjithatë, Vuçiq ka theksuar se nuk pranon që të cilësohen si të barabarta veprimi i çnjohjeve me vënien e taksës qind për qind për mallrat serbe.
“Për mua nuk është njëjtë sepse taksa është vendosur pa kurrfarë arsye”, ka deklaruar Vuçiq, duke shtuar se Serbia ka “pasur një propozim fer” pasi Prishtinës i është ofruar një pauzë” nëse heq taksën, por një gjë e tillë sipas tij është refuzuar kategorikisht.
Vuçiq ka falënderuar Grenellin për një bisedë fer, pasi sipas tij “i thotë gjërat troç në fytyrë, i pëlqyen dikujt apo jo”.
E ardhmja e ndritshme e Kosovës dhe Serbisë
Megjithatë politikani amerikan ka konfirmuar se “nuk ka ndonjë agjendë apo plan, por thjesht dëshiron të shtyjë Beogradin dhe Prishtinën të vijnë deri te ajo që dëshirojnë”.
“Po tentoj të fokusohem në të ardhmen e ndritshme të popullit të Kosovës dhe Serbisë”, ka thënë Grenell, duke ripërsëritur se ka për qëllim të shtyjë Beogradin dhe Prishtinën të punojnë në fushën e ekonomisë dhe të ofrojnë shanse për të rinjtë, me qëllim që të mos largohen dhe të shkojnë në vendet e perëndimit.
“Nuk mund ta parashikoj të ardhmen, por ekziston një lloj energjie për realizimin e përparimit”, tha Grenell duke theksuar se “nuk do të imponoj ide”, por paralajmëroi se do të tërhiqet nëse Beogradi e Prishtina nuk dëshirojnë të bisedojnë.
I dërguar i presidentit amerikan Donald Trump, ka paralajmëruar se së bashku me presidentin e Kosovës, Hashim Thaçin, do të diskutojnë për linjën hekurudhore mes Beogradit dhe Prishtinës, gjë që ka qenë temë diskutimi me Vuçiqin.
Një marrëveshje e tillë është arritur, ka konfirmuar Grenell, kurse Vuçiq ka shprehur gatishmërinë që Beogradi të punojë në atë drejtim që të realizohet linja hekurudhoreve mes Beogradit dhe Prishtinës.
Grenell u largua nga Kosova
Vuçiq ka paralajmëruar takimin që do ta ketë me Grenellin në Berlin së bashku me ekspertë të hekurudhave. Ai ka pranuar se pas nënshkrimit të marrëveshjes për linjën ajrore Beograd-Prishtinë, është e nevojshme të ndërmerren disa hapa teknik.
“Duhet bërë tre apo katër hapa sa i përket çështjes së linjës ajrore – marrëveshja me drejtorinë e aviacionit me KFOR-in, dërgimi i ekspertëve në Kuvendin e Serbisë si dhe marrëveshja me Lufthansën”, ka shtuar Vuçiq.
“Është e rëndësishme të bëjmë tregti, të punojmë me shqiptarët për shkak të serbëve në Kosovë”, ka shtuar presidenti serb.
Grenell kishte arritur në Beograd pas takimit që kishte pasur me presidentin e Kosovës, Hashim Thaçi në Prishtinë. Ai gjithashtu ishte takuar edhe me mandatarin për kryeministër të Kosovës, Albin Kurtin dhe politikanët e tjerë të vendit, të cilëve ua bëri me dije se pritjet e Washingtonit janë heqja e taksës për mallrat e Serbisë, duke u bërë thirrje Prishtinës dhe Beogradit të ulen sërish në tavolinë dhe të vazhdojnë bisedimet.
Kujtojmë që bisedimet për normalizim të raporteve mes Beogradit dhe Prishtinës janë ngrirë nga fundi i vitit 2018, kur autoritetet kosovare i vënë taksën prej qind për qind për mallrat nga Serbia dhe Bosnja e Hercegovina, si kundërpërgjigje për shkak të fushatës që diplomacia serbe e praktikonte duke tentuar të bind vende të ndryshme të heqin dorë nga njohja e Kosovës shtet, si dhe pranimin në organizata ndërkombëtare si është Interpoli, UNESCO dhe anëtarësimi në Kombet e Bashkuara. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Pahor: Kandidatura ime do të paraqitet në Bruksel, do të jem ndërmjetës i ndershëm në dialogun Kosovë-Serbi
Deputeti finlandez: Serbia nuk mund t’u imponohet shteteve për të kundërshtuar Kosovën në KiE
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Pahor: Kandidatura ime do të paraqitet në Bruksel, do të jem ndërmjetës i ndershëm në dialogun Kosovë-Serbi
Deputeti finlandez: Serbia nuk mund t'u imponohet shteteve për të kundërshtuar Kosovën në KiE
DW: Sinjale alarmi nga Ballkani - po përsëritet historia?
Policja që u raportua e zhdukur paraqitet në stacionin e Rahovecit
Deputeti gjerman, Abraham: Pranimi i Kosovës në Këshillin e Evropës është e vetmja rrugë përpara
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'