Frank Warren: Joshua duhet të heq dorë nga titujt dhe të pres për fituesin e super-meçit në mes Wilderit dhe Furyt

Frank Warren i ka thënë Anthony joshuas që të heq dorë nga titujt e kampionit të botës dhe të pres fituesin e përballjes Tyson Fury – Deontay Wilder.

Boksieri amerikan që është i pamposhtur në kategorinë e rëndë do të përballet më 22 shkurt të vitit 2020 me britanikun në MGM Grand Arena në Las Vegas, për ta zgjidhur çështjen e fituesit që ka mbetur peng nga viti 2018 në kategorinë WBC.

Joshua i riktheu titujt e kampionit të botës në brezin e tij, WBA, WBO, IBF dhe IBO në rimeçin ndaj Andy Ruizit që u zhvillua më 7 dhjetor në Arabinë Saudite.

Britaniku tani do të jetë i detyruar të përballet me Kubrat Pulev dhe ajo mund të zhvillohet në mars të vitit të ardhshëm.

Por, promovuesi i Furyt ka thënë se Joshua duhet të lejojë që IBF t’i merret nga bullgari dhe të pres fituesin e 22 shkurtit.

“Joshua bëri shumë mirë që i riktheu titujt në brezin e tij, por ai e bëri ndaj një bokseri (Ruizit) që nuk ishte stërvitur”, ka thënë Warren.

“Po të isha në vend të tij, do të pushoja dhe të pres për një përballje të madhe dhe të shohim nëse ai është më i miri në boks”.

“Do ta adhuroja ta shikoja fituesin e përballjes Wilder – Fury kundër Joshuas. Nëse do të isha AJ do të prisja fituesin e përballjes së shkurtit”.

Lexo po ashtu Anthony Joshua paralajmëron pensionimin nga boksi, por pas 15 meçeve të zhvilluara

“Do të hiqja dorë nga titujt dhe do të prisja për fituesin, këtë meç e duan të gjithë tifozët e boksit. Ne të gjithë e kemi një opinion se kush është më i miri në boks, por ta shohin njëmend se kush do ia dilte mbanë në përballjen e madhe”, ka shtuar më tej ai.

Mirëpo, Joshua ka thënë se ai mund t’i zhvillojë deri në 15 meçe para se të pensionohet nga boksi, gjersa ka paralajmëruar se është shumë e vështirë që t’i mbledhësh të gjithë titujt. /Telegrafi/