Sensacioni i Bundesligës, Amine Harit vazhdon me Schalken 04 edhe pse shumë klube janë vënë pas tij

Amine Harit ka nënshkruar një kontratë të re me Schalke 04 edhe pse kërkohej nga shumë klube, pas një nisje fantastike me klubin gjerman.

Marrëveshja e mesfushorit do të përfundonte në vitin 2021, por ai tani është zgjatur deri në vitin 2024.

“Zgjatja e kontratës së Amine është një moment i shkëlqyeshëm për klubin tonë”.

“Ai sigurisht ka tërhequr vëmendjen e shumë klubeve përmes arritjeve të tij të jashtëzakonshme gjatë muajve të fundit”.

“Gjatë bisedimeve për të ardhmen e tij, u bë e qartë se ai e di dhe e vlerëson atë që ka në Schalke 04 dhe se ndjehet në duar të mira me ne në çdo aspekt”, ka thënë drejtori sportiv, Jochen Schneider.

Ndërsa lojtari markoken u shpreh që do të jetë pjesë e Schalkes edhe në të ardhmen.

” Unë do të doja të falënderoja klubin dhe drejtuesit që gjithnjë besonin në mua edhe në periudha të vështira. Do të dëshiroja të vazhdoja që ta shlyente këtë besim”, ka thënë ai.

22-vjeçari ka bërë 16 paraqitje këtë sezon ka gjashtë gola dhe pesë asistime në Bundesliga. /Telegrafi/