I pari i Pejës i mahnitur me Urën Tibetiane në grykën e Rugovës

“Ura Tibetiane” është një atraksion i ri në grykën e Rugovës. Ajo është 41 metra e gjatë dhe 60 metra e lartë. Ura që rrit adrenalinën lidhë turistët me shtegun “Via Ferrata 3”.

Ura është 41 metra e gjatë dhe 60 metra e lartë, përcjell Telegrafi.

Ura Tibetiane, është përuruar në grykën e Rugovës, e cila ka për qëllim zhvillimin e turizmit edhe më tej në këtë pjesë.

“Qëllimi ynë është që të shtojmë numrin e turistëve. Eksperienca na ka treguar se me dy “Via Ferrata” kemi pasur turistë më shumë se me një të tillë. Ne po shpresojmë shumë që me tri “Via Ferrata” numri i turistëve në qytetin e Pejës do të shtohet edhe më tej. Do të vijnë turistë më kualitativ që do të qëndrojnë më shumë se një natë në Pejë e që dëshirojnë të provojnë eksperiencën në tre “Via Ferrata”, deklaroi për RTV Dukagjinin, Nol Krasniqi nga “Marimangat”.

Kjo urë e llojit tibetian, lidhë turistët me Via Ferratën e tretë në grykën e Rugovës, e cila është punuar përgjatë viteve 2017/18.

Ky projekt Komunës së Pejës i ka kushtuar rreth 50 mijë euro.

“Ky projekt i ka kushtuar Komunës së Pejës 50 mijë euro, ndërkohë që partnerë e kemi pasur edhe “Sëiss Contact-in”, deklaroi Xhenetë Syka nga Komuna e Pejës.

E të parit të Pejës, Gazmend Muhaxherit, i pëlqeu shumë ky atraksion.

Lexo po ashtu Gryka e Rugovës bëhet me Urën Tibetiane, më të gjatën në Ballkan

“Një ndjenjë shumë e mirë. Kur gjendesh në mes rrugës, po të duket sikur po të kalon ura përfundi”, shprehet Gazmend Muhaxheri.

Ura Tibetiane në grykën e Rugovës numëron gjithsejtë 81 shkallë të cilat duhet të kalohen për të arritur tek Via Ferrata 3./RTV Dukagjini/Telegrafi/