Lëvizja Vetëvendosje dhe Lidhja Demokratike e Kosovës, dy partitë që dolën më të votuarat në zgjedhje, tani më kanë përfunduar një cikël takimesh për të harmonizuar programet e tyre qeverisëse, në mënyrë që më pas ta formojnë qeverinë e re. Mirëpo, këto takime u ndalën në gjysmë pasi që Paneli Zgjedhor për Ankesa dhe Parashtresa (PZAP), mori dy vendime. PZAP pranoi ankesën e koalicionit NISMA-AKR-PD, që të përjashtohen nga rezultati i zgjedhjeve votat e ardhura nga Serbia si dhe vendimin tjetër, ku Paneli urdhëroi Komisionin Qendror të Zgjedhjeve (KQZ) që të rinumërojë 1,407 vendvotime.
Si pasojë e vendimit të PZAP-it për përjashtimin e votave të Serbisë nga rezultati zgjedhor, koalicioni NISMA-AKR-PD deklaruan se në bazë të rezultateve të tanishme kanë kaluar pragun, duke i marr 6 mandate.
Kështu LVV do të mbes pa tre deputetë ndërsa LDK pa një deputet. Por, se a do të formojnë një koalicion LVV dhe LDK me NISMA-AKR-PD-në, për t’i hapur rrugë krijimit të institucioneve, një gjë e tillë duket të jetë e pamundur.
Zëdhënësi i Lëvizjes Vetëvendosje, Arlind Manxhuka, në një deklaratë dhënë Telegrafit ka thënë se tani janë të fokusuar të ndërtojnë koalicionin me LDK-në.
“Zgjedhjet e 6 tetorit kanë qenë mesazh i qartë: populli ka votuar për ndryshim dhe ata që deri dje ishin në qeverisje të kalojnë në opozitë. Tash për tash jemi të fokusuar që të ndërtojmë koalicionin qeverisës me LDK-në. Ekziston mundësia për bashkëpunim edhe me pakicat joserbe”, ka thënë ai.
Sipas tij, nuk ka frymë për koalicion me NISMA-AKR-PD.
“Mirëpo, fryma në Lëvizjen tonë është që të mos kemi koalicion me koalicionin NISMA-AKR-PD. Por përtej kësaj, ende s’janë certifikuar rezultatet dhe për ne rezultatet zyrtare janë ende ato që i ka shpallur KQZ”, ka thënë ai.
Ndërsa Besian Mustafa nga Lidhja Demokratike e Kosovës, ka thënë se i takon mandatarit të vendos për koalicion.
“I takon mandatarit pra Lëvizjes Vetëvendosje të caktojë se me cilat parti do të hyjë në koalicion. Pavarësisht se me kë do të dojë LVV të bëjë koalicion, kjo nuk e ndryshon vullnetin e Lidhjes Demokratike të Kosovës të hyjë në koalicion me Vetëvendosjen”, ka thënë ai për Telegrafin.
Mustafa ndër të tjera ka folur edhe për takimet mes LDK-së dhe LVV-së.
“Takime të nivelit politik Mustafa-Kurti do të ketë vetëm pas certifikimit të rezultateve. Më herët jo”, është shprehur ai.
Edhe Kurti ditë më parë pati thënë se takimet për harmonizim të programit qeverisës janë kryer 80 përqind, mirëpo sipas tij ka ngelur edhe pjesa tjetër që është ndarja e përgjegjësive, funksioneve, pozitave, pra ministrive.
Kurti theksoi se bashkë me kryetarin e LDK-së, Isa Mustafa, do të takohen dhe do të merren vesh./Telegrafi/
Promo
Reklamo këtuLufta Prigozhin - Putin
Më shumëAnëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Boshnjaku nga Novi Pazari gjendet i vdekur në një hotel në Prizren
Në Gjakovë zbulohet monumenti i Skënderbeut
Rusët i futen tregut të pronave në Shqipëri, zyra biznesi në zonat bregdetare
Voziti me fëmijë në prehër - policia e dënon me 400 euro gjobë, 5 pikë negative dhe i merret patent shoferi për 6 muaj
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City