Hyrja e koalicionit Nisma – AKR – PD në Kuvendin e Kosovës, ndonëse e ka zvogëluar numrin e deputetëve të LVV-së e të LDK-së për ta bërë Qeverinë, nuk mund ta pamundësojë krijimin e saj. Kështu vlerësojnë njohësit e çështjeve politike, të cilët theksojnë se pa Nismën dhe me komunitetet joserbe LVV-ja e LDK-ja do ta bëjnë Qeverinë, gjë e cila po konfirmohet edhe nga Lëvizja Vetëvendosje.
Kreu i Lidhjes Demokratike të Kosovës, Isa Mustafa, ditë më parë është shprehur se marrja ose jo e Nismës në koalicionin e LDK-së me Vetëvendosjen do të varet nga kjo e fundit, pasi Vetëvendosja është ajo që i ka fituar zgjedhjet dhe ajo që mund të vendosë.
Mirëpo marrja e Nismës në koalicionin LVV – LDK nuk po duket e pranueshme për Vetëvendosjen. Nënkryetarë të kësaj partie janë shprehur se Vetëvendosja do ta respektojë vullnetin e qytetarëve, të cilët përveçqë nuk e duan Nismën në Qeveri, nuk e deshën as në Parlament. “Nisma në fushatë ka deklaruar që është në garë për fitore. Përgjigja e qytetarëve ka qenë shumë e fuqishme, ata jo vetëm që nuk e duan Nismën në qeverisje, por madje nuk e duan fare në Parlament. Mendoj se ne si Vetëvendosje e kemi obligim ta respektojmë këtë qëndrim të qytetarëve”, ka thënë nënkryetari Besnik Bislimi, shkruan sot gazeta “Zëri”.
Ndërsa nënkryetarja e Vetëvendosjes, Fatmire Kollçaku, ka deklaruar se LVV-ja e LDK-ja nuk do ta kenë problem ta formojnë Qeverinë edhe pa Nismën, meqë partia e saj dhe LDK-ja i kanë numrat e mjaftueshëm për ta bërë Qeverinë.
“Hyrja e Nismës në Kuvend nuk e paraqet asnjë pengesë në krijimin e Qeverisë. Bisedimet deri tani kanë qenë mjaft të suksesshme dhe ne tashmë bashkë me LDK-në jemi afër përmbylljes së këtij procesi, që besoj shumë se do të kurorëzohet me formimin e Qeverisë së re”, ka deklaruar Kollçaku.
Kollçaku është shprehur se e rëndësishme është në Qeverinë e re të mos ketë parti që kanë keqqeverisur me vendin, pasi kjo ka qenë kërkesë edhe e qytetarëve në zgjedhjet e 6 tetorit.
“Subjektet që kanë keqqeverisur deri tani do të duhej të mbesin në opozitë që të gjitha, sepse në njëfarë mënyre ato e kanë marrë përgjigjen prej elektoratit. Një gjë e tillë do të ishte më e shëndetshme për të gjithë qytetarët deri në reflektimin e këtyre partive”, ka thënë ajo.
Ndërsa duke folur për kushtëzimet e komuniteteve joserbe për pjesëmarrje në Qeveri, Kollçaku është shprehur se do të ishte e papranueshme dhe joserioze nëse do të ketë një qasje të tillë kushtëzuese ose nëse do të kishte vetëpërjashtim të tyre nga Qeveria, meqë një gjë e tillë nuk ka qenë e shfaqur më parë.
Promo
Reklamo këtuLufta Prigozhin - Putin
Më shumëDhuna dhe largimi nga banesa dyshohet se e detyruan gruan të mbytet me tre fëmijët e saj në Shkodër, çfarë dihet deri tani për rastin?
Kurti uron besimtarët ortodoksë: Fryma e Pashkës ju dhuroftë mirëqenie, shëndet, lumturi dhe begati
Zhdukja e nënës me tre fëmijët në Shkodër, policia arreston bashkëshortin - dyshohet të jenë mbytur për shkak të dhunës
Sekretari i EFJ-së i reagon Dimal Bashës: Sjellja jote e papërgjegjshme po e dëmton reputacionin e Kosovës
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Axhanqiq: Unë takohem me Kurtin hapur, të tjerët fshihen
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak