Kancelarja gjermane Angela Merkel e cila ishte vetëm 35 vjeçe kur ra Muri i Berlinit ka kujtuar disa nga momentet e atyre ditëve, përkatësisht jetës në Gjermaninë Lindore.
Në një intervistë dhënë për mediumin gjerman Der Spiegel, përcjell Telegrafi, ajo ka folur për ëndrrat e saj si një qytetare e Gjermanisë Lindore.
Në fillim të intervistës i është përgjigjur gazetarëve se nëse nuk do të ndodhte rënia e Murit të Berlinit, 30 vjet më parë, si do të ishte gjendja e dy Gjermanive, përkatësisht çfarë do të ishte duke bërë tani ajo.
Në këtë kontekst ajo ka thënë: “Ne sigurisht nuk do të ishim këtu duke biseduar me njëri-tjetrin. Kjo është shumë e qartë”.
“Unë të paktën do të kisha mundur të realizoja ëndrrën time. Në Gjermaninë Lindore, gratë shkonin në pension në moshën 60 vjeç, kështu që unë do të kisha marrë pasaportën time pesë vjet më parë dhe do të udhëtoja për në Amerikë. Pensionistëve u lejohej të udhëtojnë jashtë Gjermanisë Lindore”, ka shtuar Merkel.
Ndërsa në atë se cili do të kishte qenë destinacioni i saj i preferuar, në një rast të tillë, Merkel ka thënë: “(SHBA-ja) sigurisht. Gjithashtu do të kisha kaluar ca kohë duke kërkuar rreth Gjermanisë Perëndimore. Por unë doja që udhëtimi im i parë më i gjatë të ishte në Amerikë për shkak të madhësisë, larmisë dhe kulturës së saj. Doja të shihja Malet Rocky, të hipja nëpër një makinë dhe të dëgjoja Bruce Springsteen. Kjo ishte ëndrra ime”.
Dhe kur ka folur për rrugëtimin në Amerikë, ajo thotë se nuk parapëlqen veturat e mëdha.
“Jo, preferoj vetura më të vogla. Por me siguri do të kishte qenë diçka më e mirë se një Trabant”.
Duke kujtuar atë kohë, tanimë kancelarja Merkel ka thënë se bashkimi i Gjermanisë ishte formuar nga Lindja dhe Perëndimi, dhe aftësia politike e Helmut Kohl dhe besimi që ai gëzonte me aleatët luajtën një rol të rëndësishëm.
“Por revolucioni paqësor dhe 9 nëntor 1989 ishte punë e qytetarëve të RDGJ. Ne jemi të lumtur ta ndajmë atë, përfshirë gëzimin, por ajo u bë nga qytetarët e RDGJ me një guxim të madh”, ka thënë tutje Merkel.
Ndryshe, siç shkruan express.hr, përcjell Telegrafi, Angela Merkel lindi në Hamburg në viti 1954 dhe tre javë pas lindjes së saj, babai i saj u zhvendos në Gjermani Lindore me gjithë familjen e tij.
Babai i saj, Horst Kasner, ishte një pastor, dhe u transferua në RDGJ, sepse ai dëshironte të krijonte një komunitet të fortë protestant atje, me një dëshirë të fortë për të qenë rreptësisht i ndarë nga shteti.
Atë verë, kur Muri u ngrit në vitin 1961, Angela dhe prindërit e saj ishin me pushime në Bavari, me gjyshen e tyre, e cila jetonte në Hamburg.
Në rrugën e kthimit, ata panë ushtarë që përhapnin tela me gjemba dhe ishte pushimi i fundit i gjyshes me familjen e saj.
Dhe po sipas Express.hr, kjo ndarje ishte arsyeja kryesore pse Merkel kurrë nuk mundi të identifikohej plotësisht me jetën në Gjermaninë Lindore.
Ishte kjo mungesë identifikimi që, edhe sot e kësaj dite, e nxiti të ketë një sens të nevojës për të mos folur, kështu që kur njerëzit e Stasi-t iu afruan asaj për të parë nëse ajo mund të punonte për ta, ajo shtirej se ishte shumë e sinqertë dhe e hapur, ose një person që vështirë mund të mbante sekrete.
Ministria për Sigurinë e Shtetit ose Shërbimin e Sigurisë së Shtetit, i njohur zakonisht si Stasi, ishte shërbimi zyrtar i sigurimit të shtetit të Republikës Demokratike Gjermane.
Kjo organizatë është përshkruar si një nga inteligjencat më të efektshme dhe shtypëse dhe agjencitë sekrete të policisë që ka ekzistuar ndonjëherë.
Kështu, ajo arriti të shmangte një ‘karrierë’ në shërbimin sekret komunist, dhe vetë tha në një intervistë se një nga përfitimet e të jetuarit në Gjermaninë Lindore ishte që ajo mësoi kur të heshtte.
Si një shkencëtare e re, ajo kishte përfitime të caktuara, siç është fakti që më 1986 u lejua më në fund të shkonte në Hamburg për martesën e kushëririt të saj.
Kur ajo erdhi atje dhe pa një qytet modern dhe të pastër, trena të shpejtë dhe një ndjenjë lirie midis njerëzve, ajo kuptoi se socializmi dhe komunizmi nuk do të zgjasin shumë.
Merkel studioi fizikë në Leipzig dhe më pas vazhdoi të studiojë në Berlinin Lindor në Akademinë e Shkencave, ku ajo fitoi doktoratën e saj në kimi kuantike. /Telegrafi/
Promo
Reklamo këtuLufta Prigozhin - Putin
Më shumëTjetër fitore për Ukrainën: Rusia tërheq nga vijat e frontit dhjetëra aeroplanë luftarak
Shikoni videon që riktheu shpresën në Kiev, 42 tanke dhe mjete luftarake ruse shkatërrohen në Donetsk
SHBA-ja përgjon aeroplanët rusë
"Po na djegin, ju lutem na ndihmoni", rusët nuk kanë zgjidhje për sulmet me dronë të ukrainasve
DASH i zhgënjyer me propozimet për qeverinë e re të Serbisë, Vuçiq thotë se atë "e zgjedhin qytetarët"
Borrell e uroi qeverinë e re serbe, eurodeputeti gjerman nuk përmbahet: Si mund ta bëjë një budallallëk të tillë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City