Është shfaqur një dokumentar prodhimin e vajit të kanabisit në Maqedoni, duke i siguruar këtij shteti mbi 100 milionë euro të ardhura çdo vit.
Nëpërmjet dokumentave, intervistave dhe pamjeve ekskluzive, jepen detaje për produktet mjekësore që prodhohen nga kanabisi, efektet tek pacientët dhe benefitet financiare nga ky biznes. Ndërkohë Shqipëria është kundër kanabisit, pasi ligji nuk lejon prodhimin, tregtimin apo përdorimin për qëllime mjekësore, raporton TCH.
Në këtë mënyrë shumë pacientëve ju mohohet e drejta e trajtimit me vaj kanabisi. Por pavarësisht “luftës” që i ka shpallur shteti kësaj bime dhe përdorimeve të saj, ajo vijon të prodhohet dhe tregtohet në Shqipëri. Top Story sjell një rrëfim ekskluziv të një të riu që merret me prodhimin e vajit të kanabisit në kushte shtëpie në mënyrë të paligjshme.
Në një kohë kur shteti pretendon se në Shqipëri nuk prodhohet e as tregtohet më kanabis, Top Story sjell në mënyrë ekskluzive prodhimin e vajit të kanabisi në kushte shtëpie.
Duke parë këto pamje kuptohet se në Shqipëri vijon kultivimi dhe tregtimi i kësaj bime, në mënyrë të paligjshme.
Personazhi X është një i ri, i cili ka nisur të merret me këtë punë që në moshë të vogël, për shkak të varfërisë që po kalonte familja e tij.
“Ky është një proces shumë i thjesht që mund ta bëje kushdo në shtypin e tij. Si fillim marrim boçet e kanabisit dhe i ngrijmë në copa të vogla, për ta përhapur sa më mirë rezinën. Tani pasi kemi copëtuar 100 gr kanabis, duhet të shtojmë një liter alkol, që duhet të jetë mbi 90 gradë e sipër, duhet ta lagim të gjithë, në mënyrë që kanabisi të zhytet. I vëmë kapakun dhe e lejmë gjysmë ore që alkoli të rri bashk me kanabisin. Pas 30 minutash, bëhet procesi i kullimit. Pasi kullojmë alkolin, e hedhim tek ena për tu zier, në një zjarr të ngadaltë në një temperaturë jo me mbi 150 gradë. Dhe pasi të avullojë alkoli, në fund mbetet vetëm vaji i kanabisit”, procesi zgjatë 2 orë dhe pasi të ftohet është gati për përdorim”, na shpjegon personazhi
Ai rrëfen për Top Story mënyrën si përgatitet vaji i kanabisit por edhe frikën e pasigurinë që e shoqëron gjatë gjithë kohës.
“Tani janë bërë gati 7 vjet, e kam filluar në moshë të vogël për arsye ekonomike, e shpërndajmë në të gjithë Shqipërinë por normalisht ka dhe në shtetet fqinje. Me miq me të njohur, me kontakte sepse kemi shumë vite që e bëjmë dhe klientët e dinë. Ne nuk punojmë me sasi të vogla, kjo është sa për ta treguar se kushdo mund ta bëjë në shtëpinë e vet. Si çdo gjë e jashtëligjshme nuk vjen me çmim të ulët, çdokush që merret me këto punë e di se ça po rrezikon por duhet ta bëjmë”, tregon personazhi.
Për të parë videon klikoni KETU
Promo
Reklamo këtu
Nga Telegrafi Jobs
Nga Fafa Resort
Nga Wolt Kosova
