Studentët e Fakultetit të Edukimit, Arteve dhe Fakultetit të Edukimit Fizik dhe Sportit kanë protestuar sot para MASHT-it në shenjë pakënaqësie për mos përfshirjen e tyre në bursa.
MASHT ka bërë të ditur se nuk do të ketë ndryshim të konkursit për bursa, gjë e cila ka shtyrë studentët të paralajmërojnë bojkot të procesit mësimor.
Përfaqësuesit e studentëve të Fakultetit të Edukimit, Arteve dhe Fakultetit të Edukimit Fizik dhe Sportit kanë mbajtur një takim me ministrin në detyrë të Arsimit, Shyqri Bytyqi, i cili, sipas tyre, ua ka bërë me dije se nuk do të ndryshojë konkursin e bursave.
Pas daljes nga takimi me ministrin e Arsimit, përfaqësuesi i Fakultetit të Edukimit, Edvin Hoxha, tha se MASHT ka vendosur të vazhdojë me shkeljen e ligjit për konkursin e bursave dhe nuk pranon të ketë ndryshime.
Ai tha se studentët do të vazhdojnë me protesta e bojkotim të procesit mësimor me kërkesën për anulimin e konkursit për bursa.
“Përderisa Fakulteti Ekonomik cilësohet si prioritet nacional dhe ministri sapo tha se nuk kam shkel asnjë ligj dhe qëndron në vendim ligji që e ka shkelur ai dhe jep justifikime të paarsyeshme, ne sapo e lamë takimin në gjysmë dhe e bojkotuam këtë takim përderisa nuk ka përgjigje konkrete, me përgjigjen se “a ta anuloj t’i marrë në qafë studentët tjerë”, ne nuk shkojmë përpara. Ne kërkojmë anulimin e këtij konkursi që të mos ketë bursa derisa të vij një ministër, i cili vlerëson si duhet, jo ministra të cilët vetëm i largojnë prej fakultetit dhe përdorin si justifikim se kanë përshirë edhe fakultete të tjera”, tha Hoxha.
Hoxha paralajmëroi se në rast të mos anulimit të konkursit për bursa, atëherë studentët do të bllokojnë Fakultetin e Edukimit dhe do të futen në grevë.
Edhe kryetari i studentëve në Fakultetin e Edukimit, Shkodran Murturi kërkoi anulimin e vendimit për mos përfshirjen e Fakultetit të Edukimit në konkursin e shpallur për vitin akademik 2019/20.
“Kemi dalë këtu para Ministrisë së Arsimit, Shkencës dhe Teknologjisë, që me anë të kësaj proteste paqësore të kërkojmë anulimin e vendimit për mos përfshirjen e Fakultetit të Edukimit në konkursin e shpallur për vitin akademik 2019/20, pra për mohimin e të drejtës për aplikim për bursa, me kontekstin apo me pretendimin e tyre se Fakulteti i Edukimit nuk është me prioritet për arsye të tregut të punës”, tha Murturi.
Ndërsa, kryetarja e Këshillit studentor në Fakultetin e Edukimit Fizik dhe Sportit, Qendresa Ramabaja tha se anashkalimi i këtij fakulteti nga përfshirja në konkursin për bursa është fyes për ta, pasi përmes sportit, artit, kulturës promovohet i gjithë vendi.
“Të mos jemi të përfshirë në këto bursa për neve është shumë fyese dhe një demotivim i madh, sepse nuk ofrohet së paku një bursë në mënyrë për të motivim dhe të vazhdojmë të promovohet edhe Kosova, por edhe i gjithë rajoni”, tha Ramabaja.
Ndryshe, studentët e Fakultetit të Edukimit, Arteve dhe Fakultetit të Edukimit Fizik dhe Sportit kanë paralajmëruar se nga nesër do të bojkotojnë procesin mësimor dhe do të futen në grevë. /kp/Telegrafi/
Promo
Reklamo këtuLufta Prigozhin - Putin
Më shumëParlamenti britanik miratoi mocionin e Alicia Kearns për Kosovën
Alarmi i Alicia Kearns për Ballkanin, politologët komentojnë deklaratën e deputetes britanike
Kastrati vendos "delen" mbi foltore, i drejtohet Qeverisë: Populli nuk është dele, krejt jeni hajna
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
Gjendet i vdekur një person në Doblibarë të Gjakovës
Mashtrime me vlerë 10 milionë euro, SPAK operacion kundër Call Center
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit