Kryetari i qytetit të Milanos, Sala: Planet për një San Siro të ri janë të pamundura

Kryetari i bashkisë së Milanos, Beppe Sala ka paralajmëruar Interin dhe Milanin që propozimet aktuale për stadiumin e tyre të ri do të jenë të pamundura për t’u kaluar.

Dy klubet nga qyteti i Milanos mezi presin të largohen nga San Siro, për të cilin ata besojnë se nuk mund të rinovohet sipas standardeve moderne.

Ata prezantuan planet e tyre në fund të shtatorit dhe ndërsa morën miratimin nga këshilli bashkiak javën e kaluar, por ishte i kushtëzuar.

🏟️ | A NEW STADIUM FOR MILANO

Inter and @acmilan have presented the selected projects for the new stadium for both Clubs and the plans to redevelop the San Siro area. pic.twitter.com/lMsaJc2wwj

— Inter ⭐⭐ (@Inter_en) September 26, 2019

Duke folur në një ceremoni ushtarake të hënën, Sala u pyet për një azhurnim të situatës.

“Ne duhet të arrijmë të punojmë me ekipet për të kuptuar se si mund të arrijmë një marrëveshje midis nevojave të tyre dhe tonave”, ka thënë kryetari i bashkisë.

“Është e qartë për të gjithë që vëllimi [i tokës] i kërkuar është i pamundur. Është i tepërt”.

“Megjithatë, nga ky këndvështrim, ne duam të përpiqemi të gjejmë një zgjidhje me klubet”.

Ndërkohë, Serie A dëshiron të propozojë San Siron si një monument të trashëgimisë botërore të UNESCO-s – diçka që kryebashkiaku hodhi poshtë.

“Një propozim i tillë nuk ndihmon sepse tani jemi në fazën e diskutimeve teknike [mbi një stadium të ri]”.

“Unë besoj se qyteti nuk po hedh poshtë një dorë të re një stadium të ri, por është e nevojshme të gjesh zgjidhjet e duhura nga një këndvështrim financiar dhe për sa i përket asaj që do të ndërtohet”, ka shtuar më tej Sala.

Nga këto deklarata i bije se stadiumi i ri i Milanit dhe Interit duhet të pres edhe për një kohë, derisa të arrihet marrëveshja për një pjesë të madhe të tokës. /Telegrafi/