Mos procedimi i 1 mijë e 806 fletëvotimeve nga diaspora për numërim dhe refuzimi i ankesës në PZAP, ka bërë që Lëvizja Vetëvendosje sërish t’i drejtohet Gjykatës Supreme.
Partia fituese e zgjedhjeve nacionale të 6 tetorit, sipas rezultateve preliminare, po kërkon që këto fletëvotime të njihen si të vlefshme, teksa Supremja thotë se brenda 72 orëve pritet të marrë vendim për këtë çështje.
Anëtarja e LVV-së në KQZ, Nazlie Bala tha për KosovaPress se asnjë institucion nuk mundet që t’i mohojë të drejtën e votës së qytetarëve, ndërsa shprehu bindjen e saj se ky institucion gjyqësor do të marrë vendim të drejtë.
Në rastin e kundërt, Bala thotë se do të zvarritë procesin zgjedhor, ku nuk e mohon mundësinë që certifikimi i zgjedhjeve të shtyhet deri në dhjetor.
“Vendimi të cilin Paneli Zgjedhor e solli, ishte në kundërshti dhe antikushtetues sa i përket njohjes së të drejtës së votës nga ana e qytetarit. Sërish, Lëvizja Vetëvendosje ka bërë ankesë në Gjykatën Supreme duke u thirr çdo herë në të drejtën kushtetuese, për të njohur dhe pranuar këto pako që kanë mbërri në faksin postal të KQZ-së. E kundërta e kësaj, është një tentim për zvarritjen të shpalljes së rezultateve dhe certifikimit të rezultateve të procesit zgjedhor të 6 tetorit. Ata qytetarë të cilët i kanë dërguar 1 mijë e 806 pako fletëvotime kanë të drejtën e tyre kushtetuese. Absolutisht, asnjë institucion, asnjë ligj nuk mundet t’ua mohojë të drejtën për të votuar. Vendimi i Gjykatës Supreme ka qenë vendim për njohjen e të drejtës së votimit. Prandaj çdo akt tjetër në kundërshtim me vendimin e Gjykatës Supreme është shkelje flagrante e të drejtave të njeriut”, tha Bala.
Zëdhënësi i KQZ-së, Valmir Elezi thotë se do të zbatojnë çdo vendim që sjell Gjykata Supreme, teksa nuk ka mund të japë një datë konkrete se kur mund të përfundojë i gjithë procesi zgjedhor, pasi kjo varet nga mundësia e ankesave tjera të partive politike dhe kandidatëve për deputetë.
“Nuk më takon mua që të flas me afatet kohore me ditën e saktë se kur mund të shpallim rezultatin përfundimtar. Pasi ne e dimë që aktualisht një subjekt politik këtë rast, Vetëvendosje ka ankimuar çështjen, pas PZAP-së në Gjykatën Supreme. Ne duhet të presim vendimin e këtij institucioni për të parë dhe proceduar pastaj në zbatim të atij vendimi, çfarëdo qoftë ai”, tha Elezi.
Pikërisht për këtë çështje edhe organizata “Germin”, sot ka dorëzuar ankesë në Gjykatën Supreme për t’u numëruar 1806 fletëvotimet nga diaspora.
Ndërkaq, përmes një përgjigje me e-mail , zëdhënësi i Gjykatës Supreme, Vullnet Sokoli bëri të ditur se sot kanë pranuar ankesën e VV-së dhe brenda 72 orëve do të marrin vendimin.
Një ditë më parë Paneli për Ankesa dhe Parashtresa (PZAP) ka refuzuar si të pabazuar ankesën e Lëvizjes Vetëvendosje për numërimin e 1806 fletëvotimeve nga mërgata. /kp/Telegrafi/
Lufta Prigozhin - Putin
Më shumëKoloneli shqiptar në Estoni tregon hapat e mbetur për Kosovën për t'iu bashkuar NATO-s
Maqedonci jep alarmin: Serbia ka vendosur tri brigada jo shumë larg kufirit me Kosovën
Në liqenin e Ujmanit vendosen tabelat me simbole të Kosovës
Dështimi për t'u anëtarësuar në KiE, Von Cramon: Shpresoj të mos jetë shans i humbur përgjithmonë
Haradinaj: Kurti ka një zor të madh që u përball me deputetin "me shurdhues"
Avancimi i statusit të Kosovës në Asamblenë Parlamentare të NATO-s, deklaratat dhe roli i këtij institucioni
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Vera më e nxehtë ndonjëherë? Ekspertët zbulojnë se çfarë mund të ndodhë në Evropë në muajt e ardhshëm
Luiz Ejlli ndez atmosferën në festën e Big Brother - Egla Ceno i bashkohet në skenë duke bërë 'twerk'
U raportua se ka blerë shtëpinë e Sergio Ramos në Madrid, por Mbappe ka marrë atë të legjendës tjetër të Realit
Koloneli shqiptar në Estoni tregon hapat e mbetur për Kosovën për t'iu bashkuar NATO-s
Maqedonci jep alarmin: Serbia ka vendosur tri brigada jo shumë larg kufirit me Kosovën
Pengu i Sylvinhos për Euro 2024 është që nuk mund ta marrë një lojtar që ka pësuar lëndim së fundmi