Samanta Karavella reagon ndaj Young Zerkës, i cili tha se nuk meriton famën që ka – thumbon edhe Ronela Hajatin

Këngëtari Young Zerka mbrëmë (e shtunë), në mesin e shumë artistëve shqiptarë ishte i pranishëm në emisionin “Shiko Kush Luan”.

Përveç lojërave të shumta dhe mjaft argëtuese, në këtë emision shpesh yjet ndajnë gjëra të rëndësishme nga jeta dhe karriera e tyre profesionale.

Kështu, Zerka mbrëmë në njërën prej lojërave, qëlloi fotografinë e këngëtares Samanta Karavella, si emër që nuk e meriton famën që ka.

Pak orë pas kësaj, artistja shqiptare ka reaguar përmes disa postimeve të hedhura në rrjetin social, Instagram.

Lexo po ashtu Të gjitha lajmet nga Samanta Karavella

“Nuk të shkojnë armët ty, karaoket i bëje më mirë dikur në koncertet e mia”, ka shkruar në njërin postim Karavella, duke mos e lënë me kaq.

“Eh pra, ‘pas një buri’ (pa rr) fshihet një grua e suksesshme si e jotja”, është përshkrimi i postimit tjetër të këngëtares, në të cilin e thumbon edhe Ronela Hajatin.

Me këtë të fundit, dikur ishin mike të ngushta, por ato tashmë nuk flasin me njëra-tjetrën, edhe pse akoma nuk është zbuluar e vërteta.

Sido që të jetë, të tre artistët vazhdojnë të jenë të angazhuar si me prurje të reja e po ashtu edhe me koncerte të ndryshme muzikore. /Telegrafi/