Ekonomia e Kinës në tremujorin e tretë të 2019-së u rrit me 6 për qind ose në nivelin më të ulët të 27 viteve të fundit. Aktiviteti i dobët industrial, import-eksportet më të pakta dhe lufta e tarifave me Uashingtonin janë disa nga shkaqet e përkeqësimit ekonomik.
Betejat tregtare kanë ndikuar që rritja ekonomike e Kinës të arrijë pikën më të ulët që nga vitet ’90-ta, duke dhënë edhe sinjalet e recesionit botëror.
Byroja kineze e statistikave njoftoi të premten se sektorët e industrisë, ndërtimit dhe import-eksportet u ngadalësuan për të pestin muaj në tremujorin e tretë, përcjell Telegrafi.
“Të dhënat paraprake tregojnë se prodhimi i brendshëm bruto për tre tremujorët e këtij viti arriti në 9,8 trilionë dollarë. Sipas tremujorëve, rritja në të parin ishte 6.4 për qind, 6.2 për qind dhe në tretin 6 për qind”, njoftoi zëdhënësi i zyrës kineze të statistikave.
Pekini mbetet optimist se pulsi ekonomik do forcohet sërish në tremujorin e fundit të 2019-së, falë stimujve të rinj fiskalë, uljes së taksave dhe ndërhyrjeve bankare për manifakturat vendore.
Situatën mund ta ndihmojë edhe arritja e një marrëveshjeje tregtare me SHBA-në.
Negociatat raportohet se po avancojnë mirë, dhe nisur nga ky fakt, Uashingtoni vendosi këtë javë të pezullojë hyrjen në fuqi të rritjes tarifore për importet kineze me vlerë 250 miliardë dollarë.
Palët kanë rënë dakord për rritjen e shkëmbimeve tregtare në fushën e bujqësisë dhe blegtorisë, ndërsa pritet të nisin diskutimet edhe për çështje si pronësia intelektuale, ndërveprimet financiare dhe teknologjia.
Të dhënat e ekonomisë kineze vijnë pasi FMN-ja informoi së fundmi për një ulje në 3 për qind të rritjes ekonomike botërore, ndërsa bursat e Shangait dhe Hong-Kongut raportuan deri 1.2 për qind zbritje. /Telegrafi/
Lufta Prigozhin - Putin
Më shumëFlorin Krasniqi kërkon mbi 28 milionë euro dëmshpërblim nga Mali i Zi
GoBau – Kositëse bari
Pasuria e guvernatorit të BQK-së, drejtorit ATK-së dhe drejtorit të Doganës
U hap panairi Horeca, "Zgjidhje për çdo shef" - Një sinjal pozitiv për gastronominë dhe hotelerinë
EBC Cosmetics vjen me zbritjen më të madhe vjetore
StaffiX ofron trajnim për Bazat e Menaxhimit të Burimeve Njerëzore
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë