Mendes: Ronaldo do ta kalojë Pelen si golashënuesi më i mirë në histori

Jorge Mendes pretendon se ende nuk ka ardhur më e mira nga Cristiano Ronaldo, ndërsa shton se sulmuesi i Juventusit do ta kalojë legjendën Pele si golashënuesi më i mirë në historinë e futbollit.

Ronaldo shënoi golin e 700-të në karrierë gjatë humbjes së Portugalisë 2-1 ndaj Ukrainës të hënën dhe agjenti i tij përsëriti besimin e tij se numri 7 është lojtari më i mirë në historinë e futbollit.

“Numrat e tij nuk gënjejnë dhe ndriçojnë mënyrën dërrmuese të rekordeve të Cristiano Ronaldos, që e lartësojnë atë në kategorinë e lojtarit më të mirë në historinë e futbollit, me një ndryshim të madh në krahasim me të dytin [më të mirë] për të gjitha që arriti me klubet e ndryshme që përfaqësoi, qoftë në Angli, Spanjë apo tani në Itali dhe gjithashtu me ekipin kombëtar Portugez”, ka thënë fillimisht Mendes për Tuttusport.

Lexo po ashtu Ronaldo shënoi golin e 700 në karrierë në ndeshjen Ukrainë – Portugali

“Fakti është se me Cristiano Ronaldon, Portugalia tashmë ka luajtur në tre finale, duke fituar dy prej tyre”.

“Cristiano ka arritur majën e rëndësishme të 700 golave, por nuk kam dyshim se ai do ta tejkalojë Pelen si golashënuesi më i mirë në historinë e futbollit, dhe ai do ta bëjë atë me Juventusin”.

“Në fund të fundit, 68 gola nuk janë shumë për këtë të jashtëzakonshmin Cristiano Ronaldo. Gjithashtu jam i bindur që më e mira e tij nuk ka ardhur akoma”, përfundoi agjenti i njohur. /Telegrafi/