Norvegjia ndal Spanjën me barazim dhe mbetet në garë për kualifikim

Spanja nuk ka arritur ta mposhtë Norvegjinë (1-1) në ndeshjen e zhvilluar në Ullevaal të Oslos, e vlefshme për fazën kualifikuese për ‘Euro 2020’.

Rastin më të mirë në gjysmën e parë e patën vendasit përmes Joshua King, i cili kërceu më lartë pas një harkimi në zonë, por goditjen e tij me kokë e ndali portieri Kepa Arrizabalaga.

Me të filluar pjesa e dytë (47′), Saul pranoi një top nga Sergio Busquets dhe e dërgoi në këndin e majtë të portës, ndërkohë që intervenimi i portierit vendas nuk ishte i duhuri.

📷 ¡Qué GOLAZO, @saulniguez!

🇳🇴🆚🇪🇸 | 0-1 | #UnidosPorUnRETO pic.twitter.com/6PEHJkwTVe

— Selección Española de Fútbol (@SeFutbol) October 12, 2019

Joshua King pati një tjetër rast në gjysmën e dytë, ndërsa spanjollët vazhduan të rrezikojnë përmes Fabian Ruiz e Santi Cazorla.

Në minutat shtesë, Kepa shkaktoi penallti, ndërsa Joshua King u tregua i saktë (90’+4) për t’ia siguruar kombëtares së tij një pikë shumë të rëndësishme.

Spanja vazhdon të jetë lider i Grupit F me 19 pikë, ndërsa Norvegjia është ngritur në kuotën e dhjetë pikëve dhe do të shpresojë të triumfojë në ndeshjet e drejtpërdrejta për t’u ngritur në tabelë. /Telegrafi/