Dje qytetarët e Kosovës me të drejtë vote, votuan për qeverisjen e ardhshme të vendit dhe 120 deputetët e Kuvendit të Kosovës. Në orën 19:00 u mbyllën edhe qendrat e vendvotimit në tërë territorin e Kosovës të cilat ishin hapur që nga ora 7:00.
Menjëherë pas mbylljes së vendvotimeve, Komisioni Qendror i Zgjedhjeve ka nisur numërimin e votave. Zëdhënësi i KQZ-së, Valmir Elezi ka konfirmuar për Telegrafin se tashmë ka përfunduar numërimi votave të rregullta.
Ai ka thënë se procesimi i të dhënave të 4% të vendvotimeve ende nuk është bërë.
“Numërimi i fletëvotimeve në vendvotime është përmbyllur mbrëmë, por vetëm procesimi i të dhënave nuk është bërë akoma për 4% të vendvotimeve. Këto janë rezultate preliminare, por do të bëjmë përpjekje që sa më shpejt t’i shfaqim të dhënat nga të gjitha vendvotimet”, ka thënë Elezi.
Deri më tash në web faqen e KQZ-së figurojnë të numëruar 95,88 % e tyre, apo 2442 vendvotime nga 2547 sa janë gjithsejtë.
Rezultati tregon se deri më tani Lëvizja Vetëvendosje mbetet e para me 25,79% apo 197 mijë e 966 vota, pasuar nga Lidhja Demokratike e Kosovës e cila radhitet e dyta me 25,05% apo 192 mijë e 300 vota.
Partia Demokratike e Kosovës sipas rezultatit të deritanishëm të KQZ-së, mbetet e treta me 21,15% apo 162 mijë e 342 vota. Në vendin e katërt renditet Koalicioni Aleanca për Ardhmërinë e Kosovës – Partia Social Demokrate me 11,63%, apo me 89,287 vota.
Kujtojmë që mbrëmë Lëvizja Vetëvendosje ka festuar fitoren e saj në sheshon ‘Skënderbeu’ Prishtinë. Lideri i saj Albin Kurti ka thënë se tashmë do t`i nis bisedimet me Lidhjen Demokratike për formimin e Qeverisë. “Do ta kemi qeverinë sa më parë”, tha Kurti.
Kandidatja e LDK-së për kryeministre Vjosa Osmani falënderoi qytetarët për zgjedhjet e qeta dhe të rregullta. Ajo tha se do të presin numërimin e votave të mërgatës dhe votave me kusht për të ditur fituesin e zgjedhjeve të sotme të parakohshme parlamentare.
Ndërkohë po mbrëmë, Kadri Veseli e ka pranuar se Partia e tij do të mbetet në Opozitë, për herë të parë pas 12 vitesh në qeverisje. /Telegrafi/
Promo
Reklamo këtuLufta Prigozhin - Putin
Më shumëPolicia dhe KFOR-i amerikan sulmohen në Leposaviq – iu bllokua rruga dhe u hodhën shishe xhami ndaj tyre
Florentino Perez dëshiron ta transferojë te Reali lojtarin që ëndërron të luajë për Barcelonën
Erjolën e hedhin në mes të natës në pishinë, i ekspozohen pjesët intime
Kylian Mbappe pranon garën 100 metra me Usain Bolt pasi simulimi tregon se çfarë mund të ndodhë
Menaxheri i Xhensilës reagon pas deklaratave të Robert Berishës, publikon mesazhet
Kurti, ambasadorëve të QUNT-it: Normalizimi i marrëdhënieve me Serbinë dhe anëtarësimi në Këshillin e Evropës nuk duhet të përzihen
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'