Rama: Pa aderime nuk mund të ketë freski në parti politike

Drejtori i Informacionit në RTV Dukagjini,  Fidan Rama, në Debat Plus me Ermal Pandurin, ka folur rreth lëvizjeve të personave në parti politike, duke e vlerësuar si freski për subjektet politike.

“Figurat publike janë interes i partive politike që t’i kenë afër personat e tillë për shkak të votave”, ka thënë Rama.

Tutje Rama ka shtuar se personat të cilët shfrytëzojnë partitë politike dhe largohen, duhet të ndëshkohen me votë.

“Problemin e kam tek njerëzit që shfrytëzojnë çdo gjë nga shteti dhe në fund vendosin të largohen nga ai subjekt politik”.

“Aderimet janë të lira me ndodhë dhe janë forma të funksionimit të partive politike. Nuk ka formë të funksionimit të partive nëse nuk ka aderime të figurave reja. Duhet të ketë njerëz të ri e rifreskim të listave, duhet të ketë në lista njerëz pa aktakuza. Kjo nuk është e mundur pa pasur aderime”, ka deklaruar Rama në Debat Plus.

Rama ka thënë se e sheh si normale lëvizjen e Labinot Tahirit, pasi sipas tij, ai kishte detyrime ndaj votuesve të tij për premtimet që ai kishte dhënë si pjesë e AKR-së.

“E shoh si detyrim largimin e Tahirit nga AKR për të vazhduar diku tjetër kontributin”, tha ndër të tjera Fidan Rama. /Telegrafi/