Çmenduri në derbin e Madridit, 10 gola të shënuar, sherr në fushë dhe kartonë të kuq – Atletico demolon Realin

Atletico Madrid dhe Real Madrid janë përballur mes vete në MetLife Stadium të SHBA-së.

Derbi madrilen ka përfunduar me 10 gola të shënuar, dy karton të kuq dhe sherr në fushë nga lojtarët.

Diego Costa hapi serinë e golave në minutën e parë, ndërsa shtatë minuta më vonë realizoi Joao Felix për 0-2.

Në minutën e 19-të, Angel Correa realizoi pas asistimit të Kokes për 3-0, ndërsa nëntë minuta më vonë Diego Costa realizoi golin e dytë personal për ta ngritur në katër epërsinë e Atleticos.

🔴⚪🔴 | CREE Y VENCE
🙌 Triunfal estreno de nuestra primera equipación. ¡Hazte con ella en nuestras tiendas! 🛍
👉 https://t.co/GHVm53YAJx#AúpaAtleti #AtletiSummerTour pic.twitter.com/29APii7PdH

— Atlético de Madrid (@Atleti) July 27, 2019

Diego Costa kompletoi het-trikun e tij në minutën e 45-të duke shënuar nga penalltia për 5-0.

Sulmuesi spanjoll nuk u ndal dhe shënoi edhe golin e katërt personal për ta ngritur epërsinë e Atleticos në 6-0, para se Nacho të shënonte golin e parë për Real Madridin.

Në minutën e 65-të dy reprezentuesit spanjoll Diego Costa dhe Daniel Carvajal pas një përleshje u ndëshkuan me karton të kuq dhe u përjashtuan nga loja.

Vitolo realizoi golin e shtatë për Atleticon, derisa Benzema dhe Sanches realizon edhe dy gola të tjerë për rezultatin përfundimtar 3-7.

Sigurisht kjo është ndër humbjet më të thella dhe më të rënda në histori të Real Madridit nga rivali lokal Atletico. /Telegrafi/