Pendarovski: Nuk e kam ndërmend ta amnistojë Zaevin ose bashkëpunëtorët e tij nëse kanë krye ndonjë krim

Presidenti Stevo Pendarovski në intervistë për “Radio Evropa e Lirë” tha se po përpiqet për pajtim, ndërsa për vërejtjet e OBRM-PDUKM-së se pajtimin e shohin si një amnisti për kryeministrin Zaev dhe të tij, Pendarovski tha se nuk ka ndërmend të amnistojë Zaevin ose miqtë e tij të ngushtë nëse ata kanë kryer krim.

“Unë edhe atëherë në ato biseda që kishim në disa forume informale, e përcolla qëndrimin tim dhe nuk është aspak e vështirë për mua të them tani dhe publikisht, nëse kjo është problem, dyshoj se prapa pajtimit unë shikoj amnisti për Zaevin dhe të bashkëpunëtorët e tij, nëse është e nevojshme, mund të them publikisht se nuk kam ndërmend edhe në pesë vitet e ardhshme të amnistojë Zoran Zaevin nëse ai ka kryer krim ose kush të jetë ndonjë nga bashkëpunëtorët e tij të ngushtë në parti apo në qeveri nëse kanë bërë krim. Mund ta them këtë dhe ta mbaj atë deri në fund të mandatit”, thotë Pendarovski.

Pendarovski tha se ai u takua dhe bisedoi me të gjithë liderët e partive kryesore politike, me përjashtim të udhëheqësit të OBRM-PUKM-së, Hristijan Mickoski.

“U takova me opozitën shqiptare dhe partitë në pushtet. U takova me partitë maqedonase në pushtet, u takova me partitë e pakicave etnike, domethënë komunitetet tjera etnike që nuk janë shumicë, madje edhe me ato parti politike që nuk kanë votuar për mua në zgjedhjet presidenciale, por deri më tani nuk kam arritur të takoj Mickoskin, me shpjegimin se tani nuk është momenti”, tha Pendarovski./Telegrafi/