Ndërron jetë njëri nga tre të aksidentuarit në rrugën Prishtinë-Ferizaj

Ka ndërruar jetë njëri nga tre personat e lënduar, të përfshirë në një aksident komunikacioni në rrugën Prishtinë-Ferizaj.

Zëdhënësi i Policisë së Kosovës, Daut Hoxha, ka thënë për Telegrafin se aksidenti ka ndodhur mes tri automjeteve Opel Vectra, BMW dhe kamionetës Mercedes.

“Ju njoftoj se me datën 08.07.2019 rreth orës 17:00 minuta në rrugën nacionale Prishtinë-Ferizaj në vendin e quajtur Konjuh është shkaktuar aksident trafiku rrugor me lëndime trupore si dhe dëme maretiale. Në këtë aksident janë të përfshira tri automjete. Opel Vektra ngjyr e hirit, BMW ngjyr e hirit dhe kamionetes Mercedes. Nga vendi i ngjarjes janë përcjell për në Emergjencë në QKUK në Prishtinë disa persona të lënduar. Policia me njësitet e saj është duke trajtuar rastin sipas procedurave të parapara dhe pas përfundimit të hetimeve do të dihen edhe shkaqet qe kanë quar deri te aksidenti. Sipas informacioneve nga QKUK një nga të aksidentuarit nuk i ka mbijetuar lëndimeve dhe ka ndrruar jetë”, ka thënë Hoxha.

Lexo po ashtu Aksident i rëndë në rrugën Prishtinë-Ferizaj, tre persona të lënduar rëndë

Hoxha ka apeluar tek derejtuesit e automjeteve që të respektojnë rregullat në trafik, në veçanti t’i përmbahen shpejtësisë së lejuar, pasi që sipas tij rastet e tilla të aksidenteve rrugore shpesh po përfundojnë me pasoja fatale për jetën e njerëzve./Telegrafi/