Shtetet e Bashkuara të Amerikës, kanë festuar sot 243 vjetorin e pavarësisë.
E kjo festë është shënuar edhe në Kosovë në mënyra të ndryshme.
Në mesin e ngjarjeve të shumta që ishin organizuar ishte edhe përurimi i objektit të ri të Ambasadës amerikane në Prishtinë.
Në ceremoninë e përurimit morën pjesë shumë përfaqësues të institucioneve vendore, të cilët falënderuan Shtetet e Bashkuara të Amerikës, për përkrahjen e vazhdueshme që kanë për Kosovën.
Presidenti i Kosovës, Hashim Thaçi ka pohuar se me ndërtesën e re të ambasadës amerikane në Kosovë, Shtetet e Bashkuara të Amerikës po bëhen me shtëpi të re.
Thaçi, ka theksuar se shtëpi e vërtetë e çdo amerikani është në zemrën e çdo kosovari, duke shtuar se miqësia mes Kosovës dhe SHBA-së do të jetë e përjetshme.
Gjithashtu edhe kryeministri i Kosovës, Ramush Haradinaj ka deklaruar se sot Kosova ka festë sepse në kryeqytetin e saj po përurohet ndërtesa e re e Ambasadës se ShBA-së, si dëshmi që e mbanë të sigurt lidhjen e veçantë të Kosovës me Amerikën, transmeton Telegrafi.
Madje, kryeministri në përurimin e objektit të ri i ka dhuruar ambasadës së SHBA-së, Deklaratën e Pavarësisë së Kosovës, siç ka thënë ai deklarata paraqet vlerat më sublime që dy popujt tanë i ndajnë dhe i mbrojnë.
Pjesë e përurimit ishte edhe ligjvënësi amerikan, Eliot Engel, po ashtu edhe ambasadori i SHBA-së në Kosovë, Philip Kosnett.
Që të dy u zotuan se SHBA do të jetë gjithmonë krahë për krahë Kosovës, transmeton Telegrafi.
Kongresisti Eliot Engel, në fjalimin e tij nuk hezitoi që ta shpreh edhe një herë dashurinë që ai ka për Kosovën.
“Është e mrekullueshme të jem pjesë e miqësisë së kosovarëve. Njerëzit e Kosovës kanë punuar shumë. E dua Kosovën, sot është një ëndërr e cila është bërë realitet.Faleminderit SHBA-ve që ishit me kosovarët me 1999-të”, ka thënë Engel.
Falënderues për ndërtimin objektit të ambasadës është shprehur edhe ambasadori i Shteteve të Bashkuara të Amerikës në Kosovë, Philip Kosnett.
“Është më shumë sesa vetëm një objekt i ndërtuar. Ne do të kemi hapësirë për të krijuar aktivitete të reja për të gjithë dhe të mirëseardhur janë nga të gjithë komunitetet. Shtetet e Bashkuara të Amerikës do të jenë me Kosovën në se cilin rrugëtim ”, ka thënë Kosnett gjatë fjalimit të tij.
Ndërtimi i objektit të ri të ambasadës është bërë në hapësirën prej 5 hektarësh në lagjen “Arbëria” në kryeqytet, tokë kjo që i është dhënë ambasadës në shfrytëzim për 99 vjet.
Njëherësh kjo është ambasada më e madhe në Ballkanin Perëndimor./Telegrafi/
Promo
Reklamo këtuLufta Prigozhin - Putin
Më shumëNga Rubrika
Rama nga Athina i dërgon mesazh homlogut të tij grek: Eshtë koha e mirëqënies dhe lirisë, të jetojmë në harmoni
Komuna mbyll stacionet e autobusëve, qytetarët dhe ekspertët janë kundër
Betohet Gordana Siljanovska, nuk e tha emrin kushtetues “Maqedonia e Veriut”
Mbushet stadiumi në Greqi me shqiptarë, Rama: Jeni bota
“Paguhen duke qëndruar në shtëpi” - Drejtoria e Arsimit në Graçanicë keqpërdor mbi një milion euro në vit për pagat e 250 punëtorëve
Quni: Sulmi terrorist i Banjskës mund të përsëritet
Gjendet i vdekur një person në Prishtinë
Bombardimi i konsullatës në Ukrainë, Qeveria shqiptare interesohet për provat
Komuna e Graçanicës me standarde të dyfishta, Gashi: Shqiptarët po përjashtohen nga lejet e ndërtimit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gabimi në Ligën e Kampionëve i kushton, UEFA pritet t’i jap një dënim të ashpër gjyqtarit Marciniak
Zvicra fiton "Eurovision 2024"
Holanda përjashtohet nga finalja e "Eurovision 2024"
Bombardimi i konsullatës në Ukrainë, Qeveria shqiptare interesohet për provat
E refuzuan Abdixhiku e Haradinaj, deklarohet Kurti: Mendova se është më së miri të takohemi të gjithë së bashku
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron