SHBA kërkon pezullimin e shqyrtimit të akuzave ndaj Kinës në OBT mbi pronësinë intelektuale

Një deklarate të grupit të punës të Organizatës Botërore të Tregtisë (OBT) për mosmarrëveshjet midis Shteteve të Bashkuara të Amerikës (SHBA) dhe Kinës lidhur me të drejtat e pronësisë intelektuale, pala amerikane ka kërkuar pezullimin deri më 31 dhjetor të trajtimit të akuzave të saj ndaj Kinës.

Mirëpo, në deklaratë nuk përmendet arsyeja e kërkesës së SHBA-së.

Sipas Bloomberg, përcjell Telegrafi, në muajin mars 2019, Kina kishte rishikuar disa nga ligjet që ishin subjekt i padisë së SHBA-së në OBT, duke përfshirë “Ligjin e Investimeve të Huaja” dhe “Ligjin e Ndërmarrjeve me Investimeve të Përbashkëta kineze e të Huaja”.

Lexo po ashtu OBT shqyrton kërkesën e Kinës ndaj importeve amerikane

Muaj më parë, OBT kishte caktuar një arbitër për të shqyrtuar kërkesën e Kinës për vendosjen e sanksioneve tregtare vjetore me vlerë 7 miliardë dollarë ndaj produkteve amerikane. Arbitrazhi erdhi automatikisht pasi SHBA-ja e informoi OBT-në se kundërshton nivelin e kundërmasave të propozuara nga Kina.

Lexo po ashtu SHBA dhe Kina 'përleshen' në OBT lidhur me vjedhjet e ideve

Sipas rregullave të OBT-së, nëse një vend anëtar kundërshton nivelin e kundërmasave, duhet të fillojë një proces 60 ditorë gjykimi. Masa përdoret shpesh si një taktikë vonese nga vendet e përfshira në një mosmarrëveshje për të zgjidhur çështjet e tyre përmes negociatave të drejtpërdrejta. /Telegrafi/