Oxlade-Chamberlain ia dedikon triumfin edhe ish-klubit të tij, Arsenal

Alex Oxlade-Chamberlain ua ka dedikuar në njëfarë formë triumfin e Liverpoolit në Ligën e Kampionëve edhe tifozëve të Arsenalit.

Mesfushori anglez nuk luajti në finalen që The Reds e fituan 2-0 ndaj Tottenham Hotspurit, me golat e Mohamed Salahut dhe Divock Origit, pasi nuk ka shumë ditë që është rikthyer nga lëndimi që e la jashtë për një sezon.

Ai kishte pësuar lëndim në gju në sezonin e kaluar, duke mos arritur të rikuperohet deri në fund të këtij sezoni që lamë pas.

Love this @Alex_OxChambo #Gooner pic.twitter.com/wH9tUh6fem

— AFCAMDEN (@AFCAMDEN) June 2, 2019

Mesfushori anglez u transferua te Liverpoolit para dy sezonesh për shumën e 40 milionë eurove, ndërsa është shprehur tejet i lumtur që e ka fituar Ligën e Kampionëve, por edhe që nuk i la Spursat – rivalët e qytetit të Arsenalit – që ta fitojnë trofeun.

“Si një ish-topçinj e dimë se sa e rëndësishme është kjo gjë për Arsenalin”, ka thënë Oxlade-Chamberlain, duke bërë me dije se Tottenhami nuk duhej ta fitonte Ligën e Kampionëve, pasi as Arsenali deri më tani nuk e ka fituar.

Lexo po ashtu Festa e Liverpoolit në rrugët e Anglisë pas triumfit në Ligën e Kampionëve

Topçinjtë kishin shansin që ta fitonin në këtë sezon Ligën e Evropës, por në finalen që u zhvillua në Baku të Azerbajxhanit, u mposhtën në mënyrë të turpshme nga Chelsea 4-1. /Telegrafi/