Me organizim të Ministrisë së Zhvillimit Ekonomik në Kosovë po qëndron delegacioni i Odave Ekonomike Rajonale.
Delegacioni i përberë nga Odat Ekonomike të Ballkanit Perëndimor në ditën e sotme ka qëndruar në Parkun e Inovacionit dhe Trajnimeve në Prizren, prej ku janë diskutuar mundësitë për rritjen e bashkëpunimit rajonal.
Ministri i Zhvillimit Ekonomik, Valdrin Lluka, tha se po shohim mundësitë ky park të shndërrohet në park rajonal dhe të jetë shembull për industritë e tjera.
“Jo rastësisht jemi në Prizren një qytet multietnik. Qëllimi jonë është që nga afër të shohim infrastrukturën e kësaj qendre që është transferuar në menaxhimin e GIZ-it dhe ta kemi një park rajonal për të sjellë investime të ndryshme. Ideja jonë është që përmes këtij projekti ta promovojmë bashkëpunimin rajonal t’i kemi të gjithë akterët këtu dhe ky model të përdoret edhe në të ardhmen. Industritë që parashihen do të shërbejnë si modele për të gjitha industritë e tjera”.
Nikoqiri i këtij organizimi, Kryetari i Odës Ekonomike të Kosovës (OEK), Berat Rukiqi tha se investimet do çojnë përpara vendin dhe mirëqenien e qytetarëve.
“Sot jemi bashkërisht me kryetarët e odave të Ballkanit Perëndimor që veprojmë në forumin investiv të Ballkanit Perëndimor. Investimet e tilla mund të shtyjnë përpara zhvillime në mirëqenien tonë, në krijimin e vendeve të punës, në eksport etj”.
Në anën tjetër Kryetari i Odës Ekonomike të Serbisë, Marko Cadez tha se do të mundohen që të sjellin kompani që të investojnë në Kosovë.
“Jemi takuar në Beograd kemi folur shumë se si t’i tejkalojmë pengesat dhe të përqendrohemi në të ardhmen. Ne do të sjellim kompanitë më të mëdha nga rajoni për të diskutuar se si mund ta mbështesim këtë vend për ta shkruar fatin tonë të inovacionit kreativitet dhe teknologjive të reja”.
David Oberhuber, drejtor i GIZ-it në Kosovë, të cilët njëherit menaxhojnë këtë park, tha se nga mesi i këtij vitit do të fillojnë aplikimet për kompanitë që duan të investojnë në këtë qendër.
“Nuk do jemi të suksesshëm nëse nuk fillohet nga bizneset në rajon. Kemi marrë përsipër nga ushtarët gjermanë dhe për momentin vetëm po e mirëmbajmë objektin. Presim nga mesi i vitit që mund të publikojmë thirrjen e parë për aplikacione. Kemi një numër të madh të kompanive që kanë shfaqur interesim. Pas aplikacioneve do të shikojmë kompanitë që vijnë nga fushat e ndryshme”.
Në fund delegacioni ka vizituar ambientet e parkut të Inovacionit dhe Trajnimeve për të parë nga afër infrastrukturën dhe mundësitë që i ofron ky park. /Telegrafi/
Promo
Reklamo këtuLufta Prigozhin - Putin
Më shumëViva Fresh Store renditet si grupi i pestë më i madh i shitjeve me pakicë në Ballkanin Perëndimor!
Qysh bohet kerri i vogël, kerr i ri!
Bëhu banor i kryeveprës së Prizrenit - Grand Residence
Kurrë s’e ke pas ma lehtë se me Telegrafi Jobs me gjetë punë!
Policia me apel për qytetarët: Kujdes nga mashtrimi përmes investimeve të dyshuara online
Hypi kerrit e nisu për n’Grand Blue Fafa këtë vikend
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City