Frankfurti dhe Chelsea ndahen në barazim, finalisti vendoset në ‘Stamford Bridge’

Eintracht Frankfurti dhe Chelsea kanë barazuar 1-1 në ndeshjen e parë gjysmëfinale të Ligës së Evropës.

Befasia e këndshme e futbollit gjerman doli të jetë arrë e fortë edhe për Chelsean në Ligën e Evropës, duke mos pësuar edhe pse anglezët ishin më të mirë.

Sulmuesi Luka Jovic shënoi në minutën e 23-të të takimit pas asistimit të Filip Kostic për t’i dhënë epërsinë Frankfurtit (1-0).

Chelsea reagoi në minutën e 26-të me Pedron, por pa sukses.

Luka Jovic
Our next striker (hopefully)pic.twitter.com/dAfcelC5fL

— Sameh (@BigCasi14) May 2, 2019

Në minutën e 43-të tentoi edhe Ruben Loftus-Cheek, por as ky nuk e gjeti rrugën e rrjetës.

Dyshja Ruben Loftus-Cheek dhe Pedro ishin fatal në minutat e fundit të pjesës së parë, kur spanjolli shënoi për 1-1 me një goditje të fort brenda zonës.

Pjesa e dytë solli raste sidomos për londinezët, por jo gola.

Pedro equalises on the stroke of half-time! 🔵 #CFC pic.twitter.com/DybHNVG26Y

— CFC-Blues.com (@CFCBlues_com) May 2, 2019

Rast të mirë në minutën e 54-të kishte Loftus-Cheek, por gjuajti mbi kuadrat.

Pas tij provoi David Luiz nga goditja e dënimit pa sukses.

Në minutën e 77-të,  Kevin Trapp bëri pritje të bukur kur Luiz gjuajti me kokë.

Frankfurti u kundërpërgjigj me David Abraham, por goditja e tij shkoi mbi transversale.

Rezultati i ndeshjes së parë 1-1, lë hapur të dytën që do të zhvillohet pas një jave në Stamford Bridge. /Telegrafi/