Katër gabimet që Barcelona nuk duhet t’i përsërisë në Anfield Road, pasi ndeshja e dytë mund të merr rrjedhë jo të mirë për ta

Barcelona mori një rezultat shumë të vlefshëm ndaj Liverpoolit (3-0) nga ndeshja e gjysmëfinale e Ligës së Kampionëve të mërkurën.

Ishte një rezultat ndoshta jo real për ata që dha fusha për 90 minuta.

Diferencën e bën golat e shënuar nga Luis Suarez dhe Lionel Messi.

Megjithatë, ekzistojnë disa aspekte për t’i përmirësuar nga Ernesto Valverde, kur shikohet ndeshja, sidomos pjesa e dytë.

Liverpooli do ta pres në Anfield skuadrën e Barcelonës, ku djelmoshat e Jurgen Klopp, do të kërkojnë së paku të provojnë për një befasi.

Më poshtë i gjeni katër problemet e vërejtura nga MARCA në lojën e Barcelonës.

Posedimi

Barcelona pranoi shumë raste para porte nga Liverpooli,  që nuk u pëlqye nga turma në Camp Nou dhe i lejoi kundërshtarët ta kenë topin në një pjesën të madhe të lojës.

“Ne nuk jemi mësuar të mos e kemi topin dhe kjo na kushton pak”, ka thënë Messi pas ndeshjes.

Valverde dhe lojtarët e tij nuk mund të lejojnë që të tërhiqen në një ndeshje sikurse të jetë e Ligës Premier ku posedimi ndryshon nga njëra në në tjetrën, pasi kjo mund t’i konvenojë Liverpoolit.

Falja e topit 

Valverde e zgjodhi Arturo Vidalin në vend të Arthur Melos në formacionin e fillestar dhe kjo është ndoshta aty ku vuajti Barcelona.

Ivan Rakitic mezi u përfshi në lëvizjet sulmuese.

Presioni i lartë i Liverpoolit shkaktoi këto gabime. Vidal i solli ekipit disa të mira, por Arthur do të zgjidhte më shumë probleme.

Duhet kujdes më shumë për Salahun

Mohamed Salah ishte një kërcënim i vazhdueshëm për mbrojtjen e Barcelonës me lëvizjen e tij në të katër anët.

Clement Lenglet u përpoq të mbajë egjiptianin, por ai bëri pothuajse çfarë deshi edhe pse i mungoi goli.

Salah nuk arriti të përfitonte nga gabimet e mbrojtjes së Barcelonës në fund,  kur e goditi edhe shtyllën nga një distancë e afërt.  Katalunasit nuk mund të jetë aq me fat herën tjetër.

Tërheqja e vazhdueshme prapa

Liverpool e detyroi Barcelonën të kthehet në zonën e tyre të penalltisë në fillim të pjesës së dytë me lojën e tyre sulmuese.

Nikoqirët për disa minuta vetëm qëndruan duke e parë Liverpoolin.

Ishte goli i parë i Messit që e uli ritmin. Ndeshja kthyese zhvillohet pas një jave. /Telegrafi/