Në të njëjtën kohë me Notre Dame, zjarrfikësit u ballafaquan edhe me një zjarr në xhaminë Al-Aqsa në Jerusalem (Foto/Video)

Derisa katedralja Notre Dame në Parish ishte djegur, një zjarr gjithashtu ka shpërthyer në xhaminë Al Aqsa në Jerusalem.

Sipas mediave të huaja, përcjell Telegrafi, një zjarr shpërtheu në çatinë e një strukture të njohur si dhoma e lutjes Al Marwani në xhaminë e Al Aqsa në Jerusalem.

Siç shkruan gulfnews.com, zjarri nuk shkaktoi dëme të mëdha, por rrezikoi një pjesë të vendit të adhurimit që është mbi 2.000 vjeç.

حريق داخل #المسجد_الأقصى pic.twitter.com/Yz2HV9dTtL

— Asmahan_alahmed (@yamhdey) April 15, 2019

Ndërsa Agjencia e lajmeve të Palestinës, citon një roje të ketë thënë se të hënën se “zjarri shpërtheu në dhomën e rojeve jashtë çatisë së Dhomës së Lutjeve të Marwanit dhe brigada e zjarrit e Jerusalemit, Waqf islam, e trajtoi me sukses çështjen”.

السيطرة على حريق شبّ على سطح المصلى المرواني بالأقصىhttps://t.co/uqruS77W9V pic.twitter.com/Lo2CGZS4a9

— Wafa News Agency (@WAFA_PS) April 15, 2019

Brigada e zjarrfikësve të Departamentit Islamik Waqf të Jerusalemit arriti të kontrollojë flakët, ndërsa zona aktualisht është e mbyllur për të shqyrtuar shkakun e zjarrit.

Ndërsa Shaikh Azzam Al Khatib, drejtori i përgjithshëm i Departamentit të Çështjeve të Xhamisë së Jerusalemit dhe Al Aqsa, ka thënë Al Mamlaka TV të Jordanisë se zjarri doli në oborr dhe hetimet po zhvillohen. /Telegrafi/

بالفيديو – إخماد #حريق شبّ على سطح #المصلى_المرواني في #الأقصىhttps://t.co/ThQVWb2d9v
?? pic.twitter.com/KMeTtwdjhe

— nbnlebanon (@nbntweets) April 16, 2019