Kuvendi i Kosovës sot ka miratuar komisionin që i hap rrugë krijimit të një rezolute për të dënuar krimin dhe gjenocidin serb në Kosovë.
Bekim Blakaj nga Fondi për të drejtë humanitare në Kosovë, ka thënë për Telegrafin, se çështja e krimeve të luftës nuk mund të zgjidhet me rezoluta ad-hoc.
Ai ka thënë se një rezolutë e tillë nuk ndihmon në zbardhjen e krimeve që kanë ndodhur gjatë luftës.
“Në rend të parë çështja e krimeve të luftës nuk mund të zgjidhet me rezoluta ad-hoc. Dikush nga deputetët sot e përmendi që është rezoluta e tretë apo e katërt me radhë që ka të bëjë me krime të luftës. Një rezolutë e tillë nuk ndihmon shumë as në zbardhjen e krimeve që kanë ndodhur gjatë luftës, as në ofrimin e drejtësisë për viktima, dhe as në realizimin e drejtave të tjera të viktimave”, ka thënë ai.
Blakaj ka theksuar se institucionet e Kosovës duhet të ndërmarrin hapa të tjerë për të dënuar krimet e luftës në Kosovë.
“Për ta trajtuar si duhet çështjen e krimeve të luftës, e krimeve kundër njerëzimit që kanë ndodhur 20 vite më herët, institucionet është dashur të marrin hapa institucional sistematik prej para shumë vitesh, jo me një rezolutë apo me krijimin e një komisioni ad hoc. Nuk e shoh që do të sjell ndonjë sukses të madh kjo rezolutë dhe krijimi i këtij komisioni”, është shprehur ai.
Sipas tij, Fondi për të drejtë humanitare në Kosovë, ka nxjerrë dy çështje kryesore si rekomandim për dënimin e krimeve të luftës.
“Ne si rekomandim i kemi nxjerrë dy çështje kryesore gjatë gjithë këtyre viteve. Njëra është çështja e personave të zhdukur, dhe çështja e drejtësisë, apo e ndjekjes penale e atyre që kanë bërë krime. Kjo është dashur të imponohet në dialogun me Serbinë. Aty ka mundur të bëhet më shumë edhe në zbardhjen e fatit të personave të zhdukur, por me imponimin e një lloj bashkëpunimi, që Serbia të pranoj Kosovën, respektivisht ta pranoj Prokurorinë e Kosovës, dhe, të pranoj ose t’i dorëzojë ata që kanë bërë krime ndaj të cilëve ka fakte, ose të gjykohen në Serbi, me faktet që i gjen prokuroria në Kosovë”, ka deklaruar ai.
Blakaj ndër të tjera tha se kjo temë asnjëherë nuk ka qenë në agjendën e dialogut mes Kosovës dhe Serbisë.
“Si duket kjo temë asnjëherë nuk ka qenë në agjendën e dialogut, dhe është prolonguar. Si pasojë qe 20 vite një numër i madh i familjeve ende nuk dinë për fatin e familjarëve të tyre që janë zhdukur gjatë luftës, dhe një numër shumë më i madh i familjeve nuk kanë pa drejtësi për vuajtjet dhe dëmet që u janë bërë gjatë luftës”, është shprehur ai.
Ndryshe themelimin e këtij komisionin e kanë votuar të gjitha partitë politike dhe prej 68 deputetëve sa ishin prezent në seancë, të gjithë votuan pro këtij komisioni./Telegrafi/
Promo
Reklamo këtuLufta Prigozhin - Putin
Më shumëNga Rubrika
Osmani: Liria e shtypit thelbësore për demokracinë – beteja kundër lajmeve të rreme dhe dezinformatave nuk ka qenë kurrë më urgjente
Bastisje në Kërçovë, arrestohen dy dilerë
Rënia e Kosovës për 19 vende në indeksin e “Reporterëve Pa Kufij”, reagimet e ambasadës gjermane dhe amerikane
Dënohet me 24 vjet burgim prizrenasi, e kishte dhunuar seksualisht një vajzë nën moshën 14-vjeçare
Mediat në Ballkan, politika, ndikimi dhe sulmet ndaj gazetarëve “Reporterët Pa Kufij” japin alarmin e shqetësimin
Dhoma e Tregtisë dhe Industrisë kërkon ndryshime urgjente në kalendarin e festave zyrtare - të mos pushohet në ditët e javës kur festat bien në vikend
Rama: Spitali i Kryeqytetit po bëhet, shumë shpejt projekti do të tenderohet
Gjilan, një person refuzon të ndalet para policisë - polici përmes xhamit ia merr çelësat dhe fikë veturën e tij
Mexhiti, Ahmetit: A është e vërtetë se keni bërë thirrje për bojkot të zgjedhjeve presidenciale
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe