Justin Bieber: E dua Selena Gomezin, por jam i dashuruar në gruan time

Justin Bieber është një ndër këngëtaret më të përfolur në botë në saje të historive të dashurive.

Këngëtari kanadez vazhdon të thumbohet prej fansave se është i dashuruar në Selena Gomezin ani pse është martuar me Hailey Baldwinin.

Ylli i muzikës vendosi që njëherë e mirë t’i jap fund spekulimeve duke thënë se ish e dashura ka gjithmonë vend në zemrën e tij, por se është i dashuruar në bashkëshorten.

“Stop me këto mesazhe për Hailey dhe mua, nëse më doni, merrni këtë koment dhe shpërndajeni. Papjekuria juaj që të krijoni një llogari për të ofenduar gruan time dhe mua është totalisht absurde”.

“Përse duhet t’ia dedikoj të gjithë jetën time dikujt me martesë dhe të dua të kthehem me ishin tim. Unë absolutisht e kam dashur dhe e dua Selenën, ajo gjithmonë do të ketë një vend në zemrën time, por unë jam shumë i dashuruar me gruan time dhe ajo është gjëja më e mirë që më ka ndodhur ndonjëherë”, pohoi Bieber.

Ndryshe, Justin ka paralajmëruar një turne muzikor që do ta nis brenda muajit maj dhe do të përfshij shumë vende. /Telegrafi/