FFK gëzon gjyqtarët në Superligë, Ligën e Parë dhe të Dytë, ngritën meditjet në 100%

Federata e Futbollit të Kosovës ka gëzuar gjyqtarët në futbollin kosovar.

Shtëpia më e madhe e futbollit në Kosovë, pas një mbledhje të mbajtur me gjyqtarët e vendit, ka analizuar rrjedhën e kampionatit të deritanishëm.

Ka qenë kryetari i FFK-së, Agim Ademi që u ka kumtuar lajmin gjyqtarëve se u është rritur meditja 100%.

Nga kjo javë gjyqtarët kryesor në elitën e futbollit kosovar do të paguhen 200 euro për ndeshje, ndërsa deri më tani ishin paguar 100.

Gjyqtarët anësorë do të paguhen nga 150 euro për ndeshje, ndërsa ai i katërti me 100 euro.

Ngritje ka pasur edhe për gjyqtarët e Ligës së Parë dhe ata të Ligës së Dytë.

Kështu gjyqtari kryesor në Ligën e Parë do të paguhet me 150 euro, ndërsa anësorët me 120.

Në Ligën e dytë të futbollit në Kosovë, gjyqtarët kryesorë do të paguhen 100 euro për ndeshje, e asistentët 80 euro. /Telegrafi/

Ngritja e meditjeve për gjyqtarët:

Ipko Superliga:

Gjyqtarë kryesorë: Nga 100 në 200 euro
Gjyqtarë asistentë: Nga 75 në 150 euro
Gjyqtarë i katërt: Nga 50 në 100 euro

Liga e Parë:

Gjyqtarët kryesorë: Nga 80 në 150 euro
Gjyqtarët asistentë: Nga 60 në 120 euro

Liga e Dytë:

Gjyqtarët kryesorë: Nga 80 në 100 euro
Gjyqtarët asistentë: Nga 60 në 80 euro