“Alcatraz of the Rockies”, karakteristikat e burgut të sigurisë së lartë ku “El Chapo” do ta kalojë pjesën tjetër të jetës (Foto/Video)

Tani që “mbreti i drogës”, meksikani Joaquin “El Chapo” Guzman është dënuar, pjesën tjetër të jetës do ta kalojë në burgun e njohur si “Alcatraz of the Rockies”. Bashkëbanuesit e tij do të jenë terroristë, vrasës, të burgosur të dhunshëm dhe anëtarë të bandave rivale.

“El Chapo” gjithashtu njihet edhe për arratisjet nga burgu përveç trafikimit të narkotikëve, dhe për këtë arsye ai do të qëndrojë në burgun e sigurisë së lartë ADX Florence në Colorado, ku vuajnë dënimin kriminelët më të rrezikshëm të SHBA-së, transmeton Telegrafi.

59-vjeçari është shpallur fajtor në 10 aktakuzat që rëndonin mbi të, duke filluar nga trafikimi i drogës e deri të vrasjet, ndërsa procesi gjyqësor është zhvilluar të martën në sallën e gjyqit në Brooklyn të New York-ut.

Në listën e gjatë të akuzave thuhet se El Chapo kishte urdhëruar njerëzit e tij të drogojnë vajzat e reja të moshës 13-vjeçe, me qëllim që të mund t’i përdhunojë në një nga shtëpitë ku strehohej në fillim të vitit 2000.

Guzman gjithashtu kishte paguar ish-presidentin meksikan, Enrique Pena Nieto, 100 milionë dollarë ryshfet që të ndalë operacionin për kërkimin e tij. Në aktakuzë gjithashtu është theksuar se Guzman kishte qëlluar për vdekje bashkëpunëtorët, trupat e të cilëve i kishte djegur kur e kuptoi se kishin punuar me kartelët rivalë.

Të martën prokurori amerikan Richard Donogue, ka thënë se El Chapo assesi nuk mund t’i shpëtojë burgimit.

“Aktakuzat që rëndojnë mbi të nuk ka asnjë gjasë që t’ju shpëtojë”, ka shtuar Donogue para gazetarëve. Si kusht për ekstradimin e tij në SHBA, prokurori amerikan i ka siguruar autoritetet meksikane se nuk do të kërkohet dënim me vdekje për Guzmanin.

Por në cilin burg do ta kalojë pjesën tjetër të jetës? Guzman do të vendoset në ADX Florence, burg i sigurisë së lartë në Florence, Colorado, rreth 144 milje në jug të Denverit.

Ky burg njihet edhe si “Alcatraz of the Rockies” që është hapur në vitin 1994, dhe ka 400 të burgosur dhe funksionon me një metodë interesante që mund të thuhet se është burg brenda burgut.

Aty ekzistojnë qeli për një person që 23 orë në ditë qëndrojnë të mbyllur dhe nuk kanë kurrfarë kontakti me botën e jashtme, e të gjithë të burgosurit raportohet se janë meshkuj.

Në mesin e të burgosurve famëkeq është Ramzi Yousef, truri i sulmeve terroriste në Qendrën Tregtare në New York, i burgosui i sulmit në maratonën e Bostonit, Dzhokhar Tsarnaev, bombavënësi në aeroplan Richard Reid dhe Ted Kaczynski. Në të qëndron edhe bombavënësi në lojërat olimpike të vitit 1996 dhe njëherit i sulmeve terroriste të 11 shtatorit, Zacarias Moussaoui.

Burgu është i dizajnuar në atë mënyrë jo që parandalon arratisjet dhe që mbron gardianët nga sulmet, por të burgosurit në asnjë mënyrë nuk mund të ushtrojnë ndikim apo të kërcënojnë dikë jashtë mureve të burgut. /Telegrafi/