Më 8 janar të këtij viti, Lëvizja Vetëvendosje kishte dorëzuar në Prokurorinë e Prishtinës një kallëzim penal ndaj Shpend Ahmetit, në lidhje me dyshimet e tyre se ka “keqpërdorime në tenderin me qumësht”.
10 ditë më pas, një përplasje e re ka ndodhur mes VV-së dhe Shpend Ahmetit, të cilët kanë shkëmbyer akuza për të njejtën temë.
Në një konferencë për media, deputetja e Vetëvendosjes, Fitore Pacolli e ka vlerësuar si absurd rritjen e çmimit të këtji tenderi, për furnizimin me qumësht të nxënësve nga klasa e parë deri te e pesta.
Pacolli ka pretenduar se çmimi i këtij tenderi është rritur për rreth 500 mijë euro, shkruan Telegrafi.
“Tani që më nuk udhëheq më në Prishtinë Lëvizja Vetëvendosje, nuk u zgjerua shujta për fëmjiët në nivelet e tjera. Por u ngrit çmimi. Nuk u përmirësua as shujta, por u rrit çmimi për 300% më shumë se ën vitin paraprak. Tashmë nuk paguhen 200 mijë euro për këtë tender, por rreth 700 mijë euro. Si arriti komuna e Prishtinës, ta parashikojë vlerën që në këtë vit doli 300% më e shtrejtë se për atë që e kishte parashikuar në vitin 2017”, ka thënë deputetja e Vetëvendosjes.
Ajo tutje ka kërkuar një sqarim nga kryetari Shpend Ahmeti, në lidhje me këtëo ndryshime në shumën e tenderit.
Kurse aktivisti i kësaj partie, Valdrin Ahmeti ka prezantuar disa dokumente me të cilat pretendon se dëshmohet keqpërdorimi për tenderin e qumështi.
Aktivisti i VV-së ka thënë se Prokuroria ka nisur hetimet ndaj kësaj lënde, që sipas tij tregon se buxheti i komunës është dëmtuar për 530 mijë euro.
“Dje prokuroria ka filluar zyrtarisht hetimet ndaj Shpend Ahmetit, në lidhje me keqpërdorimet në tenderin për furnizim me qumësht. Ky fillim i hetimeve tregon se kallëzimi penal, ka qenë përmbajtësor dhe nuk mund të anashkalohet. Jemi të bindur se hetimet në fund do të tregojnë, se nga ky keqpërdorim është dëmtuar buxheti i komunës në vlerë 530 mijë euro”, ka thënë Valdrin Ahmeti.
Por, ndaj këtyre akuzave ka reaguar edhe kryetari i Prishtinës, Shpend Ahmeti.
I pari i kryeqytetit në një përgjigje për Telegrafin, ka paralajmëruar se do të bëjë padi për shpifje, dhe kallëzim penal të rrejshëm.
Shpend Ahmeti, akuzat e VV-së i ka cilësuar si “gënjeshtra të përsëritura”.
“Nuk i komentoj gënjeshtrat e përsëritura të LVV. Jemi në përgatitje të padisë për shpifje dhe kallëzim penal të rrejshëm”, ka thënë shkurt Shpend Ahmeti.
Që nga largimi i Shpend Ahmetit nga Lëvizja Vetëvendosje, ka pasur disa akuza dhe kundër-akuza për qeverisjen në Prishtinë.
Gjithë kjo situatë kishte kulmuar në dhjetorin e vitit të kaluar, kur Ahmeti shkarkoi nga pozitat e tyre drejtorët komunalë që vinin nga Vetëvendosja. /Telegrafi/
Promo
Reklamo këtuLufta Prigozhin - Putin
Më shumëNjë milion qytetarë të regjistruar deri më tani, dalin statistikat sipas komunave
Dënimi me 25 vjet i Sekiraqës, babai i Triumf Rizës: Kurrfarë vendimi, nuk e kuptoj si më të vlefshëm kriminelët se polici që mbron ligjin e shtetin
25 vjet burgim për Enver Sekiraqën
Human Rights Network dënon sulmin e ministrit Murati ndaj mediave dhe shoqërisë civile
Vendosja e kamerave të sigurisë në veri, Elshani: Do të krijojmë një klimë të sigurisë më të madhe te qytetarët
Hapet dyqani i parë social në Prishtinë, Rama: Qytetarët në nevojë mund të furnizohen çdo muaj falas me produkte ushqimore e higjienike
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe