Klopp: Do të paguaja para nëse do të thoshte dikush se do të jemi katër pikë para Cityt pas dy ndeshjeve me ta

Jurgen Klopp ka folur pas humbjes që Liverpooli e pësoi me rezultat 2-1 ndaj Manchester Cityt në derbin e javës në Ligën Premier.

Liverpooli ka pësuar humbjen e parë në këtë sezon të Ligës Premier, pasi është mposhtur në shtëpinë e Cityt, Etihad.

Megjithatë, kjo humbje nuk e ka dekurajuar trajneri Klopp, i cili thotë se është i kënaqur me diferencën prej katër pikëve ndaj Cityt.

“Nëse dikush do të më kishte thënë se pas dy ndeshjeve kundër Man Cityt, se ne do të jemi katër pikë epërsi në krye të tabelës, unë do të kisha paguar para për të, ju nuk mund të besoni”, ka thënë fillimisht Klopp para ndeshjes.

“Nuk mendoj se do të ishte e mundur. Futbolli është si ky. Nëse fitonim këtë ndeshje dhe ishim 10 pikë përpara dhe nga kjo ndeshje nuk fitojmë asnjë tjetër, atëherë asgjë nuk do të ndodhte”.

“Nëse ne do të kishim fituar titullin pesë herë në 10 vitet e fundit, do të thonim: “100 për qind [ne do ta fitojmë]”. Por, ne nuk kemi përvojë në të, prandaj pse të veprosh si dikush që fiton gjithë kohën?”.

“Ne kurrë nuk kemi fituar si ekip, kështu që duam të përfundojmë sezonin sa më mirë që është e mundur, dhe kjo është mirë”.

“Ne mundemi, jemi ende në pozitë të mirë dhe duhet të punojmë në këtë drejtim”, përfundoi gjermani. /Telegrafi/