Getinjo ngushëllon familjen e policit të vrarë në Istog: Policia e kryen detyrën për mbrojtjen e qytetarëve dhe pronës

Një ngjarje tronditëse ka ndodhur gjatë mbrëmjes së sotme (e enjte) në Istog të Kosovës.

Një polic dhe një hajdut mbetën të vrarë, shkaku i gjuajtjes me armë në tentim vetëmbrojtje ndaj qytetarëve.

Ngjarja në fjalë ka trishtuar gjithë popullin e Kosovës, si dhe shumë prej figurave publike.

https://www.instagram.com/p/BrIzRyShM-w/

Duke u nisur që nga krerët politikë e deri te figurat e shumta publike nga fusha e sportit e kulturës, të shumta ishin reagime që u bënë lidhur me ngjarjen.

Njëri ndër ta është edhe reperi i njohur nga Ferizaji, Getinjo, i cili ka publikuar në InstaStory një shkrim, duke shprehur ngushëllimet më të thella për familjarët e policit, i cili ra në krye të detyrës.

“Policia nuk ka faj pse rinia ka probleme financiare, dhe i ka kushtet e rënda! Policia e kryen detyrën me mbrojt qytetarin dhe pronën e qytetarit. Një kriminel profesionist nuk ja merr jetën policit e me ja lan fëmijët jetimë, shikoni ma pak filma e mos u bëni mangupë se i morët në qaf njerëzit o amatera. Ngushëllime familjes Demaj nga Istogu, i qoftë dheu i lehtë Policit të nderuar”, ka shkruar Getinjo në InstaStory.

Reperi i ndjekur nga më shumë se 420 mijë fansa në Instagram, duket se ka ngelur thellësisht i prekur nga kjo ngjarje e cila tronditi Kosovën pasditen e së enjtes. /Telegrafi/

https://www.instagram.com/p/BqmavFJBfIf/