Do të harmonizohen masat mbrojtëse të çelikut me BE-në, 2 janari ditë jo pune për administratën publike në Maqedoni

Në seancën e sotme të 112-të, qeveria shqyrtoi dhe miratoi informacionin mbi shpalljen nga Bashkimi Evropian për futjen e masave të mbrojtjes përfundimtare për produktet e çelikut dhe ngarkoi Sekretariatin për Çështje Evropiane, në koordinim me Ministrinë e Ekonomisë, Ministrinë e Punëve të Jashtme, Ministrinë e Financave , Drejtorinë doganore dhe zyrën ekonomike të Republikës së Maqedonisë, që të përgatisin kërkesën për konsultime me Komisionin Evropian dhe të dorëzojnë atë në Misionin e Përhershëm të Republikës së Maqedonisë në Gjenevë, më së voni deri nesër, njofton Telegrafi Maqedoni.

Gjithashtu i detyroi që ata të organizojnë një takim me kompanitë përkatëse nga procedura anti-damping për produktet e çelikut të hapura nga ana BE-së jo më vonë se më 20 janar 2019, për të harmonizuar vendimet për futjen e masave mbrojtëse.

Në seancën e sotme, qeveria gjithashtu vendosi që 2 janari të jetë një ditë jo pune për punonjësit e administratës publike.

Qeveria këtë vendim kërkon që ta respektoj edhe sektori privat./Telegrafi/