Joao Cancelo operohet në gju, jashtë fushave deri në fund të janarit

Juventusi e ka konfirmuar se Joao Cancelo e ka kryer një operim në gju me plot sukses, kështu që do të kthehet në fillim të vitit të ardhshëm.

Ka qenë vet trajneri Massimiliano Allegri i cili e ka konfirmuar sot se portugezi ka pasur një krisje të meniskut, duke e parashikuar se do të kthehet pas pushimit të dimrit në fund të janarit.

“Sot, Joao Cancelo pas pësimit të një dëmtimi në gjurin e djathtë është futur në operim”.

“Operacioni u krye nga profesor Roberto Rossi, një konsulent i Juventus dhe J-Medical, në prani të menaxherit shëndetësor të Juventusit, Dr. Claudio Rigo në Clinica Sedes Sapientiae dhe ishte plotësisht i suksesshëm”.

View this post on Instagram

‘Você nunca sabe a força que tem, até que a sua única alternativa é ser forte.’ 🛡 #blessed #mommyblessme

A post shared by João Cancelo (@jpcancelo) on Dec 14, 2018 at 6:58am PST

“Prej ditës së nesërme, Cancelo do të fillojë kujdesin rehabilitues”, njofton faqja zyrtare e Bianconerëve.

Ai do të mungojë në ndeshje ndaj Torinos, Romës, Sampdorias dhe Atalantës.

Cancelo mund të rikthehet për 90 minuta në ndeshje ndaj Chievos në janar të vitit 2019. /Telegrafi/